KAPIT: Opis Menteri Dagang Temuai, Seni enggau Main Asal Malaysia (MOTAC) Sarawak udah ngatur licha Pengelikun enggau Pemeresi Premis Palan Diau Temuai di Kompleks Nengeri di Jalai Bleteh, empai lama.
Licha sehari nya digulu orang ke beempu hotel bajet di daerah Kapit enggau Song ti kemujurka pemesai MOTAC, Ketuai Opis Penyah Penusah enggau Pengerara Api Kapit Erwandy Tugor enggau Favian Masing Lintang ari Opis Kaunsil Kapit (MDK).
Pengawa muka program dipenyadi Direkter MOTAC Sarawak Suriya Charles Buas alai ba jaku iya meri puji enggau penatai penyereta program nya kelimpah ngarapka program ulih nyaup sida nyikap diri manah agi nangkan ke tu ila.
“Kapit enda lama agi ulih dilawa menua bukai nengah jalai alun. Tu deka nyungkakka industri dagang temuai Kapit nambahka pelilih tu endang ditemu mayuh palan ke manah alai nemuai,” ku iya nerang.
Suraya mega minta sida ke beempu hotel bajet ke empai ngerejister ba Gerempung Hotel Bajet Malaysia ngerejister nama sida laban mayuh pemaik ari gerempung.
Sama bela datai iya nya pengari ari Opis Pelilih Song, MDK, Bomba Kapit, Opis Pengerai Kapit enggau sida ke beempu hotel bajet.