Anda di sini

40km Jalai Besai Pan Borneo di Betong deka tembu digaga ujung taun tu

 Gambar ari LBU mandangka bala pekereja benung melakin jalai nya.
BENUNG NGAGA: Gambar ari LBU mandangka bala pekereja benung melakin jalai nya.

KUCHING: Jalai ke pemanjai 40 km ari baruh projek Jalai Besai Pan Borneo Highway di Bagi Menua Betong, dipelabaka tembu digaga ujung taun tu.

Kaban kunsi ngaga proje jalai besai nya, Lebuhraya Borneo Utara Sdn Bhd (LBU)  ba sebengkah penerang ti dikeluarka  nengah website sida madah, pengawa ngagai jalai ari Batang Skrang ke Sungai Awik tauka Pakej Kereja 05 (WPC 05) Jalai Besai Pan Borneo, benung digaga diatu.

“Naka ke diatu, kami muka urung 3 km jalai nya ngambika ulih ditengah, lalu kami pechaya nyentuk ujung taun tu jalai nya tembu maga sebedau kami mindah ngaga jalai ti kedua ” pia  Menijar Projek LBU ungkup WPC05, Chan Ching Soo ba  penerang iya.

WPC 05 nya ba palan 240km ari Kuching sereta 200 km ari Sibu ke alai jalai nya entara Batang Skrang enggau Sungai Awik.

Pakej kereja dibagi ngagai dua seksyen iya nya seksyen Betong (33.70km) enggau seksyen Spaoh (34.24km).

Ku LBU, komponen besai ba pakej kereja tu iya jalai besai, osemilan buah jematan ke alai tiga ba seksyen Betong slalu enam ba seksyen Spaoh enggau ba ikonik ‘Interchange’ Betong ba simpang penama ngagai pasar Betong nyengkaum ‘overhead bridge’.

Pengawa ngaga tiga jalai ba Simpang Betong, Chan madahka siti jalai nya udah dilancharka seraya tim projek nya merambu deka ngelancharka dua iti agi jalai ujung bulan November taun tu.

“‘Interchange’ tu deka nyendiaka sambung jalai ti chukup lanchar ngagai penguna jalai alu sereta mu dah di tengah ngagai pasar Betong enti udah tembu digaga tengah taun baru,” ku Chan.

Iya mega madahka lima iti jematan dipelabaka dibuka ujung taun tu baka Jematan Babu, Jematan Burui, Jematan Padeh, Jematan Paku enggau Jematan Layar.  

WPC 05 nya siti ari 11 WPCs  ba projek Jalai Besai Pan Borneo di Sarawak ti nyengkaum ngaga 1,077km pemanjai jalai di Sarawak.