Anda di sini

Leon mantaika penanggul sentang pengelaun penembu sepital Sri Aman ngagai Dr Dzulkefly

Advertisement
 Leon (kanan) nyuaka surat peminta ubat ngagai Dr Dzulkefly.
MINTA DIPERATIKA: Leon (kanan) nyuaka surat peminta ubat ngagai Dr Dzulkefly.

KUCHING: Ketuai Parti Tindakan Demokratik (DAP) Sri Aman, Leon Jimat Donald udah berandau enggau Menteri Pengerai Datuk Seri Dr Dzulkefly Ahmad mantaika sekeda isu ke ditapi Sepital Sri Aman.

“Aku udah betemu enggau Menteri ba aum pandak mantaika penanggul sentang projek ngaga sepital Sri Aman baru ke tejanggal, ke alai sepital nya diberitaka tembu dalam timpuh 23 bulan,” pia ku Leon ba pengarang berita kemari.

Iya nyemetak madah udah ngenataika pekara nya ngagai Menteri ba guna dikena nambahka penyampau mesin dialisis ba sepital, ke alai diatu enda chukup nangkup peminta penambah penyampau pesakit.

Nyadi ke pemutus, Dr Dzulkefly andal enggau opis menteri iya deka beratika pekara nya sekalika sepital nya ulih nampung sebarang mesin dialisisi dikena ngemudahka jam nganti pesakit.

Aku mega beratka perati iya ba guna deka nukar sekeda mesin makmal ke udah rusak, iya nya dua mesin kira darah penuh, dua mesin beku enggau siti mesin urinalisis,” pia ku Leon ke alai Menteri lalu jampat ngemendarka peminta nya.  

Dr Dzulkefly setuju sentang perengkaguna ke bisi ba sepital meseti ba tikas ke manah sekumbang timpuh ke nganti sepital baru nya tembu digaga.

Leon mega ngelaluka Menteri datai nemuai ngagai sepital baru Sri Aman sepenembu nya ila, ke alai Dr Dzulkefly setuju ba pekara nya.

Advertisement