Anda di sini

Allan seruran ngemeratka penanggul suntuk ai beresi di pelilih Kanowit

 Allan (dua ari kanan) maya datai ngabas palan bekal ai Kanowit, ensana.
NGABAS: Allan (dua ari kanan) maya datai ngabas palan bekal ai Kanowit, ensana.

KANOWIT: Kaban Kunsil Nengeri (ADUN) Machan Allan Siden Gramong bela ngemeratka penanggul suntuk ai beresi di pelilih Kanowit.

Ketegal nya, iya empu bisi datai ngabas palan meresi ai Kanowit, kilah ensana.

Maya tu iya diuluka Direktor Bekal Ai Menua Pesisir Sarawak Chang Kuet Shian kelimpah pemesai ari Opis Bekal Ai Menua Pesisir (JBALB) sitak Sibu ke bukai.

Ba palan nya, JBALB Sarawak madah ngagai iya sentang isu bekal ai ti nyadi di pelilih menua nya.

JBALB madah, diatu sida benung ngaduka ‘Chemaquos UF Membrane System’ ba Palan Meresi Ai Kanowit lalu diperambu ulih dikena berengkah bulan siti tu ila.

Kelimpah ari nya, projek ‘Design and Build Proposed Performance Based Contract For Short Term Solution For Acute Water Supply Shortager For Kanowit Water Treatment Plant (WTF)’ Pelilih Menua Sibu ti mungkur dua renggat iya nya ‘2MLD’ ungkup pelilih Kanowit mega digaga.

Sida madah, projek nya udah berengkah digaga bulan April 2019 ba renggat keterubah ke disadang tembu Oktober ti deka datai lalu renggat kedua disadang tembu bulan November.