Anda di sini

Projek jalai Marudi-Long Terawan/Mulu patut digaga enggau lengkas

Advertisement
 Gerawat (bediri, tengah) ninga penerang ti diberi kunteriktor bekaul tikas pejalai projek nya.
NINGA PENERANG: Gerawat (bediri, tengah) ninga penerang ti diberi kunteriktor bekaul tikas pejalai projek nya.

MARUDI: Kunteriktor ti megai tanggungpengawa bejalaika projek jalai ari Marudi ngagai Long Terawan/ Mulu diansak ngmbi ngelengkaska pengawa sida, berindik ari projek nya dipeda jauh tinggal ari timpuh di dilangkar.

Kaban Kunsil Nengeri (ADUN) Mulu Dato Gerawat Gala, madahka pengasa ati iya meda pejalai projek nya ti lubah enda nitihka timpuh ti dilangkar berindik ari jalai nya ba konstitusyen baruh pegai iya.

Gerawat ke mega Sapit Speaker DUN ti datai meresa pejalai projek jalai nya ti benung digaga ba Rumah Panjai Poyut, ti endur jalai nya bepun madahka iya bisi minta ngagai Opis Kereja Raya (JKR) ngambika meri iya pelin dikena ngansak kunteriktor ngerumban projek nya nitihka timpuh ti dilangkar.

Gerawat mega enda puas ati enggau pengelubah projek nya begulai enggau pemesai JKR ari Bagi Menua Miri sereta kunteriktor udah datai meda kediri pengawa sida.

Nyema jalai nya tembu, tu deka meri pemaik ngagai sekeda rumah panjai ti dipansa jalai nya baka Long Linei, Long Panai enggau sekeda rumah panjai Berawan.

Kelimpah ari pemesai JKR, sama bisi enggau dalam pengawa meresa iya nya ex-Sekretari Politik Kepala Menteri Datuk Robert Laing Anyie ti sama deka bulih pemaik ari pemisi jalai nya udah datai ari Long Panai.

Advertisement