BETONG: Pengawa Perbadanan Sukan Sarawak (PSS) ti bekerejasama enggau Majlis Sukan Negeri Sarawak (MSNS) ngelakuka main Boling Padang ngagai sekula deka meri empas ti positif.
Penulung Kanan Kokurikulum, Sekula Sekondari (SMK) Datuk Patinggi Kedit Betong, Azmi Abdullah madahka penyakah 20 iku nembiak sekula begulai enggau dua iku pengajar ke nyadi penyanding penemu Kelab Boling Padang sekula nya, ti udah mujur enggau Woksyop Pemansang Boling Padang di Betong ti diatur ditu bedau lama ke udah, deka mujur sereta meri asil ti manah.
“Kitai temegah amat ati deka nempa sekula tu nyadi penguasa ungkup main Boling Padang setipak enggau pemansang lumba enggau main ti deka dikemayuh ke agi ditu.
“Kitai udah mujur nguasa lumba padang lalu beberapa taun ke udah kitai udah mujur nyadi champion ba Lumba enggau Main sereta Belanda ba renggat bagi menua Betong enggau sekeda lumba main ke bukai.
“Nengah pemisi sukung ari PSS enggau MSN Sarawak kitai deka nguji ngiga orang ke landik dalam Boling Padang udah tu,” ku iya madah ngagai Utusan Borneo ditu ensanus.
Ba woksyop ke diatur pengelama dua hari, 12 enggau 13 Julai bedau lama tu tadi, pesereta diberi penerang teori bekaul enggau sejarah main boling padang, chara bemain, enggau chara ngira poin sereta nyereta main praktikal boling padang.
Dalam sesi praktikal, pesereta diterangka enggau teknik ti betul megai bol, ngepunka main enggau merambu main sereta chara ngira poin.
Berebak enggau nya mega, bisi diatur peresa dikena ngulihka pesereta ngulihka lebih pemereti pun penemu bekaul enggau pekit boling padang kebendar.
Tajapan enda diatur ba padang ti manah, bala pesereta mandangka pengagit sida ti deka belajar.
Ba pesereta, Justin Beliang nembiak sekula ke benung belajar ba form Empat sekula nya, iya temegah ati nyereta woksyop nya lalu ngarapka ulih enggau bemain ba padang ke endar sereta diberi awak nyereta pekit nya dudi ila.
Berebak enggau nya, Pemesai Pengatur Main Boling Padang ari PSS, Vernity Ricky ngarapka pesereta enggau pengajar neruska latih sereta ngiga chara main ke betul.
Enggau nya mega ngiga peluang dikena ngatur latih ba Gelanggang Boling Padang Sarawak ngambika sida ngasai gaya ke amat lebuh ke bemain.
Sesi woksyop nya dipejalaika Vernity, lalu sesi teori enggau praktikal diajar Jurulatih Boling Padang Sarawak, Siti Nadia Husna.