Anda di sini

Anang ngaitka isu sekula repuk enggau isu utang

Advertisement
FATIMAH
FATIMAH

KUCHING: Pengawa deka mutarka sekula tuai ti balat repuk di Sarawak enda patut dikaitka enggau isu bukai baka isu utang.

Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit, Dato Sri Fatimah Abdullah madahka diri asa ati meda chara perintah besai dalam isu deka mutar sekula tuai sereta udah repuk di Sarawak.

“Perintah besai patut mantu kitai, isu utang nya pekara bukai, anang ngaitka (enggau isu sekula ti udah kelalu tuai sereta repuk), semaya mesti dikeamatka.

“Enti deka meri beri aja, enti amat enggai padah enggai, ngambika udah nya kami (Sarawak) bejalaika nama ke patut.

“Udah lama isu tu kebendar iya. Aku ngasaika nyau baka bebatak asur tali, beri sereta narit, amat ngasaka ati,” ku iya lebuh dikerandau raban peng arang berita kemari.

Fatimah ditanya bekaul enggau penerang Menteri Wang Lim Guan Eng, ti madahka perintah besai deka ngenyampatka proses ngulih enggau melanja nyentuk ke RM350 juta ungkup fasa keterubah, projek ngemanahka sekula tuai ti balat repuk di Sarawak pengudah perintah nengeri Sarawak mayar pulai utang sepenyampau RM350 juta.

Fatimah madahka isu nya udah kelalu lama lalu enti enda ulih diputarka, nya semina deka meri pengerugi kelimpah ari sekula dalam kategori nya majak repuk.

“Ba penemu aku enti tu terus nyadi nya amat ngerugika, satu, sekula kitai ti dikategorika repuk tu ukai nya majak manah, enti majak rindang sekula nya deka majak balat repuk, lalu ke pemadu balat tusah iya nya anak tauka nembiak kitai ti belajar ba sekula ti dalam ketegori tu.

“Majak lama nembiak belajar dalam kandang endur ti enda kondusif, proses belajar enggau ngajar enda kondusif sereta enda likun.

“Nya alai bakani kitai deka nyeliahka pekara ke bakatu nyadi. Ni penaluk Satu Malaysia, ni penaluk Federalisme,” ku iya dikerandau pengudah bejadi Program Latih Nyadi Ketuai Ngagai Raban Orang Indu ti diatur Opis Orang Indua enggau Ruang Bilik Sarawak sereta kerejasama Majlis Wanita dan Keluarga Sarawak ba sebuah hotel ditu.

Bepelasarka ripot Bernama, nitihku Lim dalam siti penerang ensanus, Perintah Sarawak agi berutang enggau perintah besai sepenyampau RM2.352 bilion kena 30 Jun taun tu (2019).

Lim madah, perintah besai ke bendar iya setuju nerima sebagi ari bayar pulai duit injau utang Perintah Sarawak sepenyampau RM1 bilion ti diungkup dikena ngemanahka sekula tuai ti udah kelalu repuk, ti nitihka mekanisma undang-undang ke udah ditetapka.

  • oleh
  • Advertisement