Anda di sini

Abang Johari udah nerima surat badu gawa ari Soon Koh

Advertisement
Datuk Patinggi Abang Johari Tun Openg
Datuk Patinggi Abang Johari Tun Openg

SERIAN: Kepala Menteri Datuk Patinggi Abang Johari Tun Openg udah nerima surat badu mangku dua pengawa menteri ari Menteri Wang Kedua Dato Sri Wong Soon Koh.

Nitihku Abang Johari, Soon Koh ninggalka pangku pengawa nya pengudah kemisi iya abis.

Iya madahka presiden Parti Sarawak Bersatu (PSB) udah nganjung  surat  badu gawa nya maya betemu enggau iya apin lama.

Wong, ti mega Menteri Dagang Antarabansa & E-Dagang , diatu benung kemisi, ku iya.

"Iya (Soon Koh) kemisi panjai. Asai aku nyentuk bulan Ogos," ku iya madah ngagai pemberita lebuh ditanya sekalika Soon Koh udah nganjung surat badu mangku dua pangku pengawa menteri, udah tembu bejadika Gabungan Parti Sarawak (GPS) Zon 4B ba Kampung Pichin, sehari tu.

Soon Koh dipadahka udah betemu enggau Kepala menteri kena 17 Julai tu tadi. 

Iya mega madah ngagai TV Sarawak enggau Unit Komunikasi Awam Sarawak (UKAS) iya nya PSB deka terus chakah gawa.

"Aku ke nyadi presiden PSB deka ngereja semua pekara dikena mantu kepala menteri gawa bebendar ke rayat enggau nengeri Sarawak," ku iya diambi bejaku.

ADUN Bawang Assan sebedau tu enggai madah sekalika iya udah nyuaka surat badu gawa  ari kabinet nengeri sereta hari bulan kepenudi iya mangku pengawa nya.
 

Advertisement