Anda di sini

Dr Jerip Susil sah pansut ari PSB

ABANG JOHARI
ABANG JOHARI

KUCHING: Menteri Muda Perengka Pengangkut Datuk Dr Jerip Susil madah diri pansut ari Parti Sarawak Bersatu (PSB) tekala nya.

Pekara nya ditukuka nengah surat rasmi ngelengkaka pangku pengawa  iya ari parti nya, hari bulan kena 10 Julai 2019.

Dr Jerip ti mega Sapit Presiden PSB dalam surat nya diambi bejaku madah, nya pemutus iya pengudah ngira penemu enggau lalau penyukung nyengkaum rayat ba sitak Kunsil Nengeri (DUN) Mambong.

Kepala Menteri Datuk Patinggi Abang Johari Tun Openg lebuh ditanya pasal pekara nya madahka diri enda nemu pasal Menteri Muda Perengka Pengangkut, Datuk Dr Jerip Susil ti madahka diri pansut ari PSB.

“Enda (nemu). Aku baru (ninga pekara nya),” ku iya lebuh dikerandau ba lobi Wisma bapa Malaysia ditu, kemari. Dipinta meri penerang pasal ulah Kaban Kunsil nengeri (ADUN) Mambong nya,  Abang Johari madah pansut ari PSB iya nya pilih Dr. Jerip.

Iya mega madahka diri enda nemu bagi parti politik ke deka dipasuk DR Jerip pengudah ninggalka PSB.

“Enda nemu. Awak ke aku mansik dulu nama pekara ke nyadi,” ku iya.

Kelimpah ari nya, Sekretariat PSB  madah ngagai parti nya bedau nerima surat ngelengkaka pangku pengawa ari Dr Jerip. Sekretari Besai PSB George Lo dalam siti penerang ditu kemari madahka, sida tekenyit enggau pemutus Dr jerip nya.

“Lebuh kami betemu ba opis Yang Berhormat (YB) (Menteri Wang Kedua) Dato Sri Wong Soon Koh pagi  kemari (ensanus) begulai enggau YB Datuk Dr Jerip, YB Dato Ranum Mina enggau YB Dr Johnichal Rayong, Dr Jerip nadai meri kelai deka ngelengkaka pangku pengawa.  

“Kami begambar begulai ke pengingat seraya bepegai jari ti mandangka penyerakup ari tetiap iku kami,” ku iya.