Anda di sini

BN 10, SFC enggau UPKN mujur ngerampas 90 lumpung kayu ke ditebang belalai ba Jalai Narasit

Advertisement
 Sanuddin mandangka gambar maya operasyen nya.
MUJUR: Sanuddin mandangka gambar maya operasyen nya.

SIBU: Bisi 90 bemacham saiz enggau bansa kayu ke ditebang  belalai dirampas ba sebengkah abas ngenyit ba sebuah kolam kayu di Jalai Narasit, Bintangor kemari.

Abas ngenyit nya dipejalaika raban enggau pemesai Pampang Pansik Sarawak Forestry Corperation (SFC) begulai enggau raban penerit adat Unit Pengelikun Enggau Penerita Adat Nengeri (UKPN) pukul 10 pagi Hari Tiga nya, mega udah mujur ngetanka sebuah excavator.

“Penyampau semua ke dirampas nya asil ari pemadah mensia mayuh dianggarka beungkus RM282,500,” ku Pemesai Pemerintah BN10 Supt Sanudin Md Isa ba aum pengarang  berita, ditu kemari.  

Ku iya, siku lelaki menua nya ke beumur 37 taun bela ditan ngambika ulih mantu pansik.

“Lebuh dipinta mandangka dokumen bekaul enggau aktiviti nebang kayu ba kandang menua nya, lelaki enda tetitihka pinta raban penerit adat nya,” ku iya.

Lumpung kayu nya dipechaya dijual ngagai sekeda kilang kayu ngelingi Sibu.

Kes dipansik ari baruh Akta Ordinan Kampung Sarawak 2015 lalu semua utai ke rampasan sereta ke ditangkap diserah ngagai Opis Kampung Bagi Menua Sibu, ngambika atur ti patut dipejalaika. — Bernama  

Advertisement