Anda di sini

Awakka undang-undang kereja - Fatimah

Fatimah lebuh dikerandau raban pemberita sehari tubekaul enggau isu video kamah. - Gambar Chimon Upon
Fatimah lebuh dikerandau raban pemberita sehari tubekaul enggau isu video kamah. - Gambar Chimon Upon

Dikarang Rengenyan Labang 

KUCHING: Menteri Pengintu Pengelantang Pendiau, Pengelantang Raban Bansa, Orang Indu, Ruang Bilik enggau pemansang Nembiak Mit Dato Sri Fatimah Abdullah madah beri awak ngagai undang-undang bekereja mansik pekara bekaul enggau video kamah dikerembaika ba media rama.

Fatimah madah pekara ti baka nya ngawakka piak ti bekaul tauka undang-undang bejalaika kereja tauka nama atur ke patut.

Iya mega madahka diri bisi nerima WhatsApp bekaul enggau video nya ti madahka video nya bula lalu bisi mega madahka nya iya sereta bisi mega madahka nya orang bukai dalam video nya.

"Nya alai ba aku, awakka udang-undang ngaga kereja," ku iya lebuh dipinta raban pemberita ngenang pasal isu pengerembai video kamah ba sebengkah pengerami ditu, sehari tu.

Bepelasarka riput berita riput berita, Haziq Abdullah Abdul Aziz individu ti dikaitka enggau video kamahnya enggau siku menteri kabinet perintah besai nyangkaliya nya iya individu dalam video nya.

Sangkal nya dipadahka ulih Ketuai PKR Cabang Santubong Ahmad Nazib Johari lebuh ditelefon pengudah telefon ngagai Haziq urung pukul 2.30 lemai kemari.

Nambahka nya Datuk seri Mohamad Azmin kemari bebendar nyangkal tuduh siku individu ti nguji ngaitka iya enggau video kamah nya.

Menteri Hal Ehwal Ekonomi pechaya siri petenah nya pekat jai dikena ngamahka nama, personaliti enggau ngeruga pengawa politik iya.