SIBU: Serakup Indu Dayak Sarawak (SIDS) diarika lima iku raban sida udah nemuai meri basa ngagai Mandal Canselor Universiti Putra Malaysia (UPM) Profesor Datin Paduka Aini Ideris di Serdang, Selangor, empai lama tadi.
Penatai sida betuaika presiden SIDS Dato Ir Alice Jawan disempulang sapit iya Margaret Bedus,mandal presiden Cynthia Zehnder, sekretari Suzana Koh enggau komiti Cherry Keripin.
Sama datai nyambut penatai sida maya tu iya nya dua iku pengelicha Dayak di UPM, iya nya Profesor Dr Jayum Jawan enggau Profesor Rusea Go.
Alice madah, tuju penatai sida maya tu iya nya berandauka perambu penumbuh Kus Pansik Indy Dayak di UPM.
Ku iya, ari nya sida andal amat ulih bekerejasama enggau UPM ba macham bengkah aspek nyadi ketuai, ekonomi, dagang sereta ke bukai.
Nangkan ke nya,sida lalu merarau begulai Dr Jayum enggau Dr Rusea.
Ba pekara bekaul,Alice madah penumbuh pelajar nya ila deka mai pemaik ngagai bala raban sereta anak SIDS.
Tu nyengkaum baka bantu pelajar enggau awak nampung pelajar ngagai renggat ke tinggi agi di UPM.