SIBU: Persatuan Bulan Sabit Merah Malaysia (PBSM) Sibu udah bejadi Projek Nyual Tambai beserimbai enggau Ngintu Hari Bulan Sabit Merah Sedunya ba Makit Sentral Sibu ditu, kemari.
Chairman PBSM Sibu Penghulu Chua Hiong Kee madah, projek nya diatur sida ninting taun dikena sida nambahka turu gerempung.
“Sukung ari mensia mayuh beguna bendar dikena kami ngemujurka agi projek tu,” pia ku iya madah maya berandau enggau pengarang berita.
Pengawa bejadi projek tu dikemujurka Chairman Opis Kaunsil Sibu (SMC) Datuk Tiong Thai King.
Chua madah, turu ari projek nya dikena sida ngadu program mantu penusah ngenyit, program rama enggau latih ungkup bala raban.
Pengawa sida maya nya nerima sukung ke manah ari mensia mayuh.
Mensia mayuh dipeda enda kakang ati nyuaka tulung ari diri empu.
Sama bela datai maya tu iya nya Sekretari Besai PBSM Sibu Jamali Yew Abdullah enggau Kapitan Loh.