BINTULU: Pekit T4T (Today for Tomorrow) Idol 2019, sebengkah pekit belagu ke deka diatur beserimbai enggau pengerami Bintulu Agrofest 2019, naka ke diatu nerima sambut ti manah ari mensia mayuh.
Pengerami nya diatur Volunteer Sarawak begulai enggau Opis Seni Sarawak (MSS), Opis Pelilih menua Bintulu.
Menijar MSS Zon Utara, Tuah Jili madahka pekit nya nyendiaka peluang besai ngagai champion masuk ngagai pekit Sarawak Idol 2019 diKuching ti dipelabaka diatur pengudah pengerami Hari Raya.
“Pekit T4T Idol deka diatur ba panggau ba Airport Lama Bintulu, lalu enda bebayar sereta dibuka ngagai mensia mayuh, laki tauka indu ti beumur 16 taun nyentuk ke 40 taun.
Audisyen deka diatur kena 26 April berengkah pukul 8 pagi dikena milih finalis ke pemadu manah m asuk ngagai renggat final ti diatur kena 27 April.
“Sesapa ke bisi ati m asuk pekit nya, tau datai maya audisyen sereta mai CD kediri empu enggau siti gambar saiz pasport,” ku Tuah.
Ku iya,championPekit T4T Idol 2019 deka nerima perais mata duit RM 1,000 lalu ba penuduk kedua enggau ketiga deka nerima perais mata duit RM700 enggau RM500.
Perais sagu ati RM 100 deka diberi ngagai bala finalis enggau Prestasi ke Pemadu Nyulut.
Tanya silik sentang pekit tu tau ditanya ngagai Tuah Jili ba lumur 019-8445454.