Anda di sini

Sarawak nyadi nengeri keterubah ngajar Matematik, Sains dalam BI

Advertisement
NAMA BERITA?: Maszlee (kiba) betabi enggau Manyin lebuh ke meri penemuai basa ngagai Abang Johari, lemai kemari. — Gambar Chimon Upon
NAMA BERITA?: Maszlee (kiba) betabi enggau Manyin lebuh ke meri penemuai basa ngagai Abang Johari, lemai kemari. — Gambar Chimon Upon

KUCHING: Sarawak nengeri keterubah ngajar subjek Matematik enggau Sains dalam Jaku English (BI).

Menteri Pelajar Malaysia, Dr Maszlee Malik madahka atur nya dipejalaika baka ti dipinta Menteri Besai (PM) Tun Dr Mohathir Mohamad.

“Pekara ti patut dipadah ngagai media iya nya Perintah Sarawak ti udah setuju ngajar Matematik enggau Sains dalam BI baka ke dipinta PM.

“Nya alai Sarawak nyadi nengeri keterubah deka ngemeranka nya lalu sida deka mantu kitai (KPM) ari sukut bejalaika nya sereta ngelatih pengajar kitai ngambika ulih ngajar Matematik enggau Sains dalam BI.

“Kitai meri terima kasih ngagai Perintah Sarawak laban ti nyambut tauka setuju enggau penemu PM,” ku iya lebuh dikerandau raban media.

Dulu ari nya Maszlee enggau raban iya nemuai meri basa ngagai Kepala Menteri Datuk Patinggi Abang Johari Tun Openg ba Wisma Bapa Malaysia ditu, kemari.

Bejaku baru, Maszlee madahka perintah Sarawak endang udah bisi bejalaika inisiatif enggau Opis Pelajar Nengeri Sarawak sereta sekeda universiti ditu dikena nentuka pengajar ulih ngajar dua subjek nya dalam Jaku English.

“Ngelatih pengajar ukai pekara ti mudah tang kitai patut berengkah, tang kitai deka besaup,” ku iya seraya madahka nya entara pekara ti dikerandau enggau Abang Johari.

Kelimpah ari nya, Menteri Pelajar, Sains enggau Pansik Teknologi, Dato Sri Micheal Manyin madahka Sarawak endang udah ngatur kus Matematik enggau Sains dalam Jaku English.

Iya madahka sekeda pengajar ke udah kus nya nyadi pematih lalu inisiatif nya mega udah dikerandau enggau universiti menua tu.

“Taun tu lebih ari 400 iku pengajar udah tembu kus minggu nyin kemari, sekula primari.

“Ungkup belanja ti dikena ke tuju tu ari perintah nengeri,” ku iya ti sama nyempulang Abang Johari nyambut penemuai basa Dr Maszlee enggau raban iya.

Sama bisi enggau, Ketuai Sekretari Opis Menteri Pelajar Malaysia Datuk Ghazali Abas ,Pemesai Wang Perintah Besai Mohd Saiful Sungkih Abdullah, Direktor Opis Pelajar Nengeri Sarawak  Dr Azhar Ahmad enggau Sekretari Wang Perintah Nengeri  Datu Junaidi Reduan.

  • oleh
  • Advertisement