MIRI: Sarawak Oil Palms Berhad (SOPB) bisi meri bantu ngagai sida ti dituntung tasah ketegal angus rumah ba Skim Pengentap Pendiau Sungai Asap Belaga lalu meri bantu sepenyampau RM12,600.
Bantu di sua Pengurus Estet Ricky Pudang Bit lebuh maya ke biis datai nemuai ngagai palan alai penusah tu nyadi ti 10 kilometer penyauh ari opis ladang nya.
Sama enggau iya datai lebuh maya nya menijer ladang enggau kilang ari Sepakau.
Bantu nya ti datai ari Wang Turu Bantu Tasah kompeni ti dikearapka ulih ngelempungka penyuntuk belanja sida ti dituntung penusah nya dikena sida bebelika utai diguna besehari hari.
Bisi lebih 400 iku peranak ba dia napi penusah sepengudah dua blok rumah sida abis angus diempa api kena ka lemai hari satu tu kemari.
Tu nyadi tanggungpengawa kompeni meri bantu ngagai komuniti ke nitihka pelasar jaku serikat tanggungpengawa rama korparat nya ‘Kita Membangun Bersama Masyarakat Tempatan’.