SIBU: Sekolah Sekondari (SMK) Methodist mujur mai 1,000 iku nembiak sekula nya nambahka penemu ba program ‘Education Fair’, kemari.
Program tu diatur sekula nya begulai ALUMNI SMK Methodist enggau Global Education Malaysia ba balai mensia mayuh sekula.
Prinsipal sekula, Yong Choo Tiong madah, sida temegah amat ati laban nerima kerejasama ari dua iti gerempung nya ngemujurka program.
“Tuju kitai iya nya endang deka nambahka penemu nembiak sekula ari Form 4 nyentuk Form 6 sentang kuing sida udah tembu belajar ila.
“Ari penemu tu dia sida ulih milih kus ke engkeman dikena nampung pelajar sida,” pia ku iya madah ngagai pengarang berita.
Program ke diatur setengah hari nya nyendiaka 41 iti palan ti nyendiaka penerang bekaul enggau pelajar ngagai bala nembiak.