Anda di sini

Masing udah mujur bejadika jalai semin Rumah Greman

Advertisement
 Masing (empat kanan) enggau pemesai ke bukai ngetas riben kelai bejadi jalai semin Rumah Greman, Nanga Kabah di Kanowit, ensana.
PENGELANTANG RAYAT: Masing (empat kanan) enggau pemesai ke bukai ngetas riben kelai bejadi jalai semin Rumah Greman, Nanga Kabah di Kanowit, ensana.

KANOWIT: Sapit Kepala Menteri Tan Sri James Masing udah bejadi jalai semin ba laman Rumah Greman Ujang, Nanga Kabah ditu, ensana.

Berebak enggau pengerami nya, sepenyampau 14 iku Tuai Rumah ba Kunsil Nengeri (DUN) Ngemah udah nerima setipikit mangku pengawa ari Masing.

Ba pengerami nya mega, perintah nengeri bela nyuaka geran RM138,000 projek ba Program Transformasyen Menua Pesisir (RTP) ngagai beberapa buah rumah panjai dia.

Pengerami tu digulu urung 1,000 iku penyukung Gabungan Parti Sarawak (GPS) ba rumah panjai 28 pintu nya.

Sama bela datai maya tu iya nya Kaban Parlimen Kanowit Datuk Aaron Ago Dagang, ADUN Ngemah Alexander Vincent, ADUN Pelagus Wilsoin Nyabong Igang, Kaban Parlimen Ulu Rajang Datuk Wilson Ugak Kumbong, ADUN Machan Allan Siden Graming enggau Pemesai Opis Pelilih Kanowit Kathreen Eddie Saga.

Advertisement