MIRI: Orang berikan ari Kuala Sibuti mujur nangkap siku agi ikan pari besai ke ngembuan pemerat lebih 150 kilogram di laut Niah kena pagi Hari Empat tu tadi.
Wan Mazlan Ramlee madah, ikan pari nya kena pukat ke ditani iya begulai enggau dua iku orang berikan pukul 8 pagi ba hari ke sama.
Ikan nya tama ngagai siti ari pukat lebuh sida ke meresa nya pukul 10.30 pagi.
“Ketegal kelalu besai sereta berat, pedis kami namaka ikan nya ke dalam bot. Udah nya kami mai asil berikan ngagai pengkalan sebedau hari lemai,” ku iya.
Pemujur mukat siku agi ikan pari besai matak penatai peranak dia ke sama deka meda ikan nya lebuh sida sangkai ba palan pengkalan.
Ikan nya udah dijual ngagai siku pemeli di pasar Bekenu.
Kena Hari minggu nyin tadi, siku orang berikan ari Kuala Sibuti, Ramlee Jinal mujur nangkap siku ikan pari besai ke ngembuan pemerat 250 kilogram di Kuala Niah.