MIRI: Bisi 400 iku nembiak udah ngaul diri dalam program 3K iya nya program pengelikun napi penusah angus beserimbai enggau Hari Ruang Bilik Sekula Antarabansa Tenby ditu bedau lama ti udah.
Raban Bomba ari Opis Bomba enggau Penyelamat Lopeng ti betuaika PBK II Luang Ganggang sereta tiga iku pemesai bomba Hana Razali, Dimas Laing Anyi enggau Mikeson Mitter udah mantu ngemujurka program nya, ti dikena nambahka pemereti ati enggau penemu ukai semina ungkup bala nembiak tang mega pengajar sereta apai indai nembiak.
Kelimpah ari licha, bala nembiak enggau sida sebilik ari sekula antarabansa peribit nya mega udah diberi peluang nepan perengka pengangkut bomba sereta nguji kediri ngena ‘salur bantu mua’ kelimpah ngena baju kelab 3K.
Sama bidi diatur mga iya nya belajar enggau demonstrasyen ngena kereban madamka api khas ungkup pengajar enggau apai indai.
Beserimbai enggau nya, Luang mega meri besai terima kasih ngagai Sekula Antarabansa Tenby laban udah ngemeratka pekara pengelikun napi penusah angus di sekula sereta mega dalam ruang bilik.