Anda di sini

KM: Bisi ‘sampuk’ ti tau mambarka penyerakup dalam GPS

 Kepala Menteri mendingka penerang ari Datu Dr Penguang Mangil (tiga kiba) seraya dikemataka Karim (belakang Penguang) Dr Sim, Uggah, Tiong enggau Gerawat.
RAMPA KE MANAH DIPEDA: Kepala Menteri mendingka penerang ari Datu Dr Penguang Mangil (tiga kiba) seraya dikemataka Karim (belakang Penguang) Dr Sim, Uggah, Tiong enggau Gerawat.

MARUDI: Kepala Menteri Datuk Patinggi Abang Johari Tun Openg besemaya ngetanka Gabungan Parti  Sarawak (GPS) ari orang ke ngaga diri manah ti madahka diri nyukung iya tang ba awak ke sama nguji mambarka gempung nya.

“Sekeda orang madahka diri taluk ke Abang Jo. Kita anang taluk ke aku. Kita mesti taluk ke nengeri Sarawak. Nya ti patut dikenulu,” ku iya lebuh bejaku bejadi Projek Tebing Ai Marudi ba Marudi Town Square, ditu, kemari.

Bejaku baru, Abang Johari nyemetak madahka diri ngemata gaya ke diatu lalu deka ngambi atur ba orang ti ngereja pengawa nya.  

“Dalam parti kami, kami mesti meresa ke manah enggau ke jai, aku enda berumban berunding tang enti datai ba maya ke patut, aku deka ngaga pemutus sentang nama ke patut digaga aku. Taja pia, kami berati. Kami ngenggaika ‘sampuk’ dalam GPS,” ku iya.

Ku Johari, enti  pengawa raban nya diteju sereta  enda diperesa, Nya deka ngerubuhka GPS laban raban nya nadai pemendar bejalaika pengawa ngerusak penyerakup dalam GPS.

Johari madah, iya enda ngambi atur nitihka asai ati diri laban iya nadai penanggul enggau orang ti enda setuju enggau iya ti deka pulai ke pemaik parti.

“Nuan nemu karier politik aku udah ngelui 40 taun. Aku enda nganu orang ti enda sepenemu  enggau aku. Aku tu orang parti. Parti nya beguna agi ari aku empu,” ku iya.

Ku iya, nadai endur alai orang ti enda taluk dalam gempung GPS laban parti nya mesti berakup negika hak Sarawak.

“Kami enggaika bisi sampuk dalam GPS. Nyema bisi sampuk, sebuah rumah nya deka rubuh, nya mih nyadi pengujung ba kami,” ku iya.

Johari madahka diri deka ngenuluka GPS laban gampung nya mih nyaminpengelantang nengeri Sarawak jemah ila.

“Nuan enda tau madah,aku nyukung Abang Jo tang ba awak ke sama nyuji ngapika orang bukai ngambika charut enggau pangan diri dalam GPS. Kami enda ulih bebatak asur ba pekara nya,” ku iya.

Ku Abang Johari, GPS ti tumbuh nengah prinsip negika ke pemaik ungkup pengidup rayat.

Ba jaku iya dulu ari nya, iya  madahka diri berasai gaga ati laban pasar Marudi ti enda agi sunyi sepenembu jalai Miri-Marudi.

Iya pechaya, perambu ngaga projek tebing ai nya deka ngemanah lanskap pasar Marudi lalu bantu sepenyampau RM23 juta ungkup projek nya mandangka pemerat GPS ngagai rayat.  

“Perintah PH nya buruk siku, perintah besai udah ngemendarka projek tang udah nya nginsil. Enti sida deka nginsil mayuh agi projek, pajak ke mih. Kita enda  bepanggai ba sida ngemansangka Sarawak,” ku iya.

Iya  m ega madahka perintah Sarawak udah ngemendarka projek ngaga jematan Miri-Marudi ke beungkus RM75 juta,siti ari mayuh projek bukai ke dikinsil  perintah PH.

“Perintah besai nadai duit tang kitai bisi. Enti projek nya tembu ila, pejalai ari Marudi ke Miri deka kurang agi ari sejam,” ku iya.

Baram bisi potensial besai nyadi palan ditapat temuai ketegal bisi rampa menua ke manah sereta ngembuan mayuh pesaka asal, ku iya.

Iya mega madahka perintah Sarawak udah ngemendarka projek ngaga jalai  Marudi ke Long Terawan ti beungkus RM43 juta.

“Enti jalai nya tembu ila, mensia mayuh ulih pulai mansang ke Mulu,” ku iya.

Kelimpah ari nya, Abang Johari mega ngemendarka peminta ti  peranak Marudi ti minta gaga ke dinding pengenan dikena nyeliahka penanggul tanah ba genturung pendiau peranak semanjai tebing sungai nya.

“ Kitai bisi duit. Suba kitai n adai akses ngagai duit ari minyak enggau gis. Sebedau pengaa bepilih, bisi o rang besemaya deka meri royalti minyak manggai ngagai 20 peratus. Pengu dah pengawa bepilih semaya nya enda dikeamat, semina bisi ‘abus’ aja,” ku iya, seraya  disambut enggau tawa ari mensia mayuh.

Johari  mega mandangka rintai pinta projek pemansang ari rayat di Baram ke beungkus urung RM300 juta.

“Noadai penanggul, semua nya dikemendar. Kitai bisi duit ari chukai petroleum lalu duit nya deka dikena nyungkak kualiti pengidup rayat,” ku iya.

Pengudah bejadi projek tebing ai nya, Abang Johari lalu n y adi saksi ngelancharka GPS Baram.

Sama bisi datai, Sapit Kepala Menteri Datuk Amar Douglas UggahEmbas, presiden SUPP Datuk Sim Kui Hian, presiden PDPDatuk Seri Tiong King Sing enggau mandal presiden PRS Majang Renggi.