SIBU: Semua kaban Parti Rakyat Bersatu (UPP) tau enda minta nyadi kaban Parti Sarawak Bersatu (PSB) laban sida endang sechara automatik direjista nyadi kaban parti baru nya.
Ketuai Unit Bumiputra PSB Bawang Assan, Andrew Shilling ma penerang kemari madah, PSB bisi ngambi kaban baru tang ukai kaban UPP laban sida endang sechara automatk direjista nyadi kaban PSB.
Iya bejaku munyi nya ba aum enggau kaban bumiputra PSB ari pampang Bawang Assan enggau Dudongba opis pampang PSB Bawang Assan.
PSB ke sebedau tu dikelala ngena nama UPP nyentuk ke dikemendar Opis Pengerejista Gerempung (ROS) nukar nama ari UPP ngagai PSB kena 22 Februari tu tadi.
PSB dibuka ngagai semua peranak Sarawak enda ngira bansa enggau jalai pengarap ke deka gawa sereta negika hak semua peranak Sarawak, ku Andrew.
Ba aum nya,iya minta semua kaban parti regas agi ngambi kaban baru dikena negapka parti nya.
Iya mega bejaku mejah jaku bantah orang enggau parti politik dalam media rama.
“Tang, pekara ke manah ngena media rama nerangka ideologi enggau kuing parti kami,” ku iya.
Sama bisi ngulu aum nya Ketuai Unit Bumiputra PSB Dudong, Bansa Sandah.