KUCHING: Opis Menteri Pelajar (KPM) deka nampung pengawa nganjung bekal minyak ngagai 21 buah sekula ba Sarawak ti beguna amat ke iya.
Penerang tu dikeluar kena nyaut tanya ari raban media ngagai perintah besai sentang pekara tu.
Ba penerang berita kemari, opis menteri nya madahka bekal majak dianjung lalu dalam bulan Mac taun tu tadi udah ngemaruka kunterik enggau lis sekula ti patut nerima bantu perintah tu.
Semina 21 buah sekula ari 369 udah ditukuka patut diberi bekal minyak. Sekula tu jauh ke menua ulu di Sarawak tauka jauh ari grid besai ai nengeri.
Berindik ari penerang tu, opis menteri deka nesau mensia mayuh sentang jaku ti madahka bekal minyak ngagai sekula tu deka diketu pengudah bulan Mac 2019, penerang ti nadai bebatang sereta bula.