Anda di sini

Wong deka mantaika iya ransing meri servis ti manah ngagai Sibu, Sarawak

 Wong begulai enggau sida sebilik meri basa kepenudi ngagai niang Andrew lebuh ari ti kepenudi nyenggai iya kemari.
KERINGKA ATI: Wong begulai enggau sida sebilik meri basa kepenudi ngagai niang Andrew lebuh ari ti kepenudi nyenggai iya kemari.

SIBU: Menteri Dagang Antarabansa enggau e-Dagang ti mega Menteri Wang II Dato Sri Wong Soon Koh madahka iya deka bebendar nyadika parti iya kering agi.

Lebuh ti ditemu pengarang berita maya nyenggai anak lelaki iya niang Dato Andrew Wong Kee Yew, iya mega madahka deka bebendar meri servis ungkup peranak Sibu enggau Sarawak manah agi.

“Tu dikena ngayanka ngagai dunya kelebih agi mantaika ngagai peranak Sibu sereta Sarawak kelebih agi, nama pekara ti digaga aku ukai semina ungkup anak lelaki aku aja tauka deka nyadika anak lelaki aku nya ketuai udah tu.

“Diatu, anak aku (Andrew Wong) udah nadai, aku deka bebendar agi gawa ungkup rayat Sibu sereta Sarawak,” ku iya.

Wong ke mega Kaban Kunsil Nengeri (ADUN) Bawang Assan madah, sida benung nganti nama baru ungkup Parti Sarawak Bersatu (PSB) dikemendar Opis Ngerejister Gerempung (ROS).

Sepengudah dikemendar, sida mega deka ngelancharka lambang baru parti nya.

Ba kenang ke bukai, penyinu terus diasai lebuh pengawa ngintu niang Andrew di Taman Peringatna Nirvana kemari.

Bisi urung 1,000 mensia mayuh ti datai ari kaban belayan enggau bala bakih udah datai meri basa kepenudi ngagai niang.

Niang Andrew, 43, udah ditemu luput urung pukul 9 malam dalam bilik iya ba rumah sida di Jalai Ipoh kena Hari Minggu tu tadi.

Maya niang agi idup, iya kala nyadi sapit chairman Opis Kaunsil Mengeri Sibu (SMC) sereta kala bepekit ngerebut penuduk ba Parlimen Sibu maya Pengawa Bepilih Besai (PRU) tu tadi.

Miang udah ninggalka balu Datin Lily Toh sereta dua ikua anak, Sean Wong enggau Natasha Wong.