Anda di sini

Ikan empurau bisi makit ke manah di menua Eropah

Advertisement
 Postl (lima kanan) enggau orang dagang ari menua Austrian Rich Aubucher (dua kanan), Yong (tujuh kiba) enggau bala temuai bukai lebuh ke nemuai ngagai  Palan Nupi Ikan, Borneo Empurau kena Hari Minggu nyin tadi.
KENANG NEMUAI: Postl (lima kanan) enggau orang dagang ari menua Austrian Rich Aubucher (dua kanan), Yong (tujuh kiba) enggau bala temuai bukai lebuh ke nemuai ngagai Palan Nupi Ikan, Borneo Empurau kena Hari Minggu nyin tadi.

KUCHING: Ikan empurau ke ditupi ba Palan Nupi Ikan, Borneo Empurau di Serian bisi makit ke manah di menua Eropah.

Duta Austrian ke Malaysia Dr Michael Postl, ti nemuai ngagai palan nupi ikan nya apin lama udah,madah ikan empurau bisi makit ke manah di menua Eropah.

Postl madahka diri tetarik ati beratika utai ke dipeda iya ba palan nupi ikan nya.  

“Pengawa muka palan nupi ikan tu siti kereja ke manah lalu kita benasit laban kita bisi ai ke beresi ditu. Beguna amat kita n gereja tu nengah chara ke betul.

“Aku tetarit ati meda pansik enggau pemansang ti dipejalaika ba projek tu lalu ngarapka palan nupi ikan tu mujur,” ku Postl.

Ku iya,menua eropah seruran gagit deka ngulihka ikan ke baru sereta beresi ke nadai kena kimia,hormon tauka utai kamah ke bukai.

“Tu ke bendar iya makit ke jemah ila lalu tentu bisi kompeni ari menua barat datai kitu nempa kerejasama,” ku iya.

Postl nemuai seraya gawa ke Kuching pengelama empat hari, ke alai iya bisi betemu enggau bala pemesai enggau ketuai eksekutif ari kompeni nengeri tu kena Hari Enam tu.

Iya mega bisi nemuai ngagai Sarawak Cultural Village (SCV) muak ke pagi lalu ngalihka lemai iya ngagai Palan Nupi Ikan, Borneo Empurau Farm ti diempu Dato Yong Fook Heng.

Kena Hari Dua, Postl bisi nemua meri basa ngagai Tuai Megai Menua (TYT) Tun Pehin Sri Abdul Taib Mahmud, Chief Minister Datuk Patinggi Abang Johari Tun Openg enggau Sapit Kepala Menteri,Datuk Amar Dr James Jemut Masing.

“Aku meda sebagi agi ari Sarawak, luar ari Kuching. Aku meda rampa menua, baka ni rayat diau din, bansa asal, aku meda rumah panjai lalu sida berami nyambut penatai aku. Chukup tetarit ati meda Sarawak,”ku Postl lebuh dalam pejalai pulai ke Kuching.

Advertisement