MUKAH: Parti Keadilan (PKR) Sarawak patut bisi penetap penemu diri ba sentang tanggungpengawa ngintu pengelantang rayat Sarawak.
Ketuai PKR Pampang Mukah Abdul Jalil Bujang madah, PKR nengeri tu patut bediri teguh enggau ngenegapka agi penegap penemu ba pengawa ngintu hak rayat nengeri tu.
“Anang kitai nandu pengilap ti kala digaga Gabungan Parti Sarawak (GPS) dataika PKR Sarawak deka bulih emperian ti sama ‘ulun Malaya’,” ku iya nengah media rama iya kemari.
‘Ulun Malaya’ ditu tau dikumbai semina engkuit nitihka jaku tauka gerah raban tauka parti ti bepalaba ba Semenanjung Malaysia.
Nitih ku Abdul Jalil, rampa politik diatu udah mayuh berubah sekalika ba renggat nengeri Sarawak tauka Malaysia.
Pemisi GPS ku iya taja ngemai mayuh jaku pejah enggau seriri, tang penau sida enda patut dikemaruh.
“Mayuh peneleba sida (GPS) ti patut diserenih enggau diperatika kitai,” ku iya.
Nya alai, ba pengawa politik kelebih agi PKR Sarawak, pekara bekaul negika hak peranak Sarawak mesti dikemerat.
Abdul Jalil mega bela mantaika pengaga diri pengudah Menteri Kereja Raya Baru Bian dipadu baru nyadi Chairman Kaunsil Ketuai Nengeri (MPN) PKR Sarawak baru.
Pekara tu udah dibantai kena malam Hari Enam.
Sehari sebedau nya, Presiden PKR Datuk Seri Anwar Ibrahim baum enggau berandau begulai enggau semua ketuai pampang PKR Sarawak dikena milih chairma MPN Sarawak.
Pekara tu mega madamka jaku selebubu ti madahka pangku pengawa dipehai Baru kenyau November 2009 nya deka disilih orang baru.