MIRI: Penyikar ngena Perengka Pengerara Api (APA) mujur nyelamatka sebuah rumah ari angus diempa api ba penusah ke nyadi ba Hilltop Garden ditu, lemai ensana.
Ketuai Opis Bomba enggau Penyah Penusah Malaysia (JBPM) Zon 6 Miri Penguasa Kanan Bomba I Law Poh Kiong madah, piak sida nerima kanggau tasah pasal penusah urung pukul 6.30 lemai.
“Ketuai operasyen madahka bisi angus mimit ba dapur pengudah hos gis techabut lalu kena empa api.
“Penyikar raban orang ke sepiak rumah ngena APA sereta nutup tong gis LPG nya mujur nyelamatka rumah nya,” ku iya madah ngagai pemberita ditu, kemari.
Kenu ku iya, raban bomba ke datai ngesah enda sempat ngerara laban api udah padam.
“Raban bomba semina matau palan angus dikena nentuka palan nya nyengala likun.
“Operasyen matau tembu urung pukul 7 malam,” ku iya.
Urung 10 iku kaban ari Balai Bomba enggau Penyah Penusah (BBP) Lopeng diuluka Pemesai Bomba Kanan II Jimmy Suhaili bisi nyereta operasyen nya.