SARIKEI: Opis Pengerai Bagi Menua Sarikei (JKS) deka ngatur program Nyidi Kes Baru (ACD) dikena ngelala dini penyadi kes kala kena ketup ukui.
Program tu berengkah diatur kenyau 11 Disember (Hari Dua) tu tadi nyentuk 16 Disember (Hari Minggu) tu ila, bepun ari pukul 8 pagi nyentuk 9 malam.
Staf ke nyereta program tu deka bejalai mindah ari rumah ke rumah ke sitak ke bisi kena bungkur 1 kilometer radius ari Jalai Jongkong Sarikei.
Entara sitak genturung pendiau enggau jalai ke bisi kena program tu iya nya Jalai Jelutong Barat, Jalai Jongkong, Jalai Kiong Soon, Jalai Chung Nik, Jalai Tung Yee 1&2, Jalai Tai Sing, Jalai Eng Tai, Jalai Merbau, Jalai Permai, Lorong Begunan Perintah, Jalai Alan, Jalai Rejang, Jalai Ubah, Jalai Punai, Jalai Lajung, Jalai Palma, Jalai Tangki Air, Genturung Pendiau Kuarters Kastam, Genturung Pendiau Kuarters Perintah Nengero, Kuarters JKR, Jalai Repok, Jalai Buris enggau Lorong Keranji.
Berebak enggau program tu, mensia mayuh dipinta meri kerejasama ngagai pengereja pengawa ari Opis Pengerai Bagi Menua Sarikei dikena nentuka pemujur program ACD nya.
Sebarang penerang silik enggau pekara tu ulih betelefon nuju Pemesai Opis Pengerai Pelilih Sarikei, Shamsol Jamali ba lumur 011 33692749.