BINTULU: Opis Bomba Samalaju dipelaba berengkah dibuka dalam tengan taun baru, pia ku Direktor Besai Opis Pengerara Api enggau Penyah Penusah (Bomba) Malaysia Datuk Mohammad Hamdan Wahid.
Didiri ba taba 3.1 ikar pemesai di Samalaju Industrial Park (SIP), opis tu ke amat udah berengkah gawa sebulan tang apin nyapai semua kapasiti di baruh opis pengerara api Gred C ti ulih nangkup 40 iku pemesai.
“Iya deka disikap amat lebuh latih ungkup raban baru urung 200 iku ti datai taun tu enggau taun baru, kitai deka bejalaika latih pemun, ngambi orang gawa baru 1,100 raban.
“Ari 1,300 iku raban baru, deka dianjung gawa nyengkaum ngagai opis di Samalaju,” ku Hamdan.
Diatu ku iya, bala pemesai ari Bintulu enggau bagi menua bukai udah dikerah enggau gawa ba begunan nya nentuka operasyen enggau renggat tumu ulih dipejalai.
“Kitai udah sedia ba sebarang penusah dalam kapasiti enggau penau opis pengerara api ke bisi enggau saup ari Opis Pengerara Api Bintulu,” ku iya nambah.
Nitih ku Hamdan, begunan Bomba seruran nyadi begunan keterubah digaga ba sebarang mengeri di Malaysia, ambika chunti di Putrajaya laban iya udah ngaul diri ba pemansang renggat tumu ari komplek.
Nyadi komplek perintah keterubah ditumbuh dalam SIP, ti dikelala nyadi hab industri berat enggau teknologi tinggi dalam wilayah enggau lebih RM40 biliun puku diperanak, ku Hamdan, endang pemar besai ngagai raban Bomba ditu laban sida mesti meri servis pemadu manah dikena nyaga keresa ti bisi dia.
“Baka ejensi dikaul ba pekara pengelikun api, sereta mega nyaga aset pelaburan enggau strategik, pengawa numbuhka Opis Bomba Samalaju endang pengawa ti manah laban sida deka menggi tanggungpengawa nyadi pengelikun enggau nyaga ari keruga penusah angus sereta risiko ti bisi ba dia,” ku iya.
Hamdan mansutka jaku tu lebuh bejadika pengawa nyerahka komplek ari Opis Kereja Raya (JKR) Sarawak ngagai Opis Pengerara Api enggau Penyah Penusah Sarawak kemari.
Iya mega dipadahka pelin teknologi tinggi didiri dalam SIP ti beguna ukai semina nyaga pengelikun aja, tang mega pengelikun semua.
Iya nyemetak madahka mayuh agi premis perintah deka didiri besemak enggau Opis Pengerara Api Samalaju dudi hari nyengkaum opsi polis ti nyangka deka didiri besepiak enggau nya.
Iya mega madah di baruh Fourth Rolling Plan taun baru, bisi beberapa opis Bomba baru deka didiri ari konsep bebida enggau sekeda bisi pengawa baru kelebih agi ungkup kandang menua pesisir lalu semua inisiatif tu ngemai reti ngemanahka 10 minit timpuh ngesah penusah menua.
“Ba Samalaju ungkup kilang pemadu ulu ti ulih dilawa kitai urung 10 minit, tang tu bepanjai ba pelin Ketuai Opis Bomba Samalaju.
“Kitai ngambi risiko ngatur pengawa enggau perspektif meruan agi, laban sebarang penusah tau nyadi dalam zon industri tu, ti deka mangka ukai semina pemanah nama, tang mega lenyau puku besai dalam aset strategik enggau aset pengeluar ti meri ngagai pemansang ekonomi enggau pengerembai menua,” ku iya nambah.
Nya kebuah iya ngansak raban pengerara api patut bejalaika pangku pengawa sida enggau komitmen tinggi sereta dedikasyen sereta seruran bejalaika pengawa nagang.
Ungkup pemain industri, iya mega ngansak sida ngambika bisi tanggungpengawa ba aset enggau premis diri empu.
“Diatu ari pengawa bejalaika gempung nyaga pengelikun ba kandang hazard tinggi, risiko tinggi tauka begunan, bala ke gawa enggau pengatur pengawa ba begunan patut bisi tanggungpengawa nyaga pengelikun diri empu laban tu sebagi ari pekara enggau pengawa bekunsika tanggungpengawa nentuka sida mega beratika risiko ti bisi enggau mega pengawa ti tau ngeruga pengelikun.
“Kitai dekaka sida tu bisi tanggungpengawa nya kebuah kitai numbuhka gempung nyaga pengelikun dalam premis diri kelebih agi ba langkar begunan,” ku iya.
Pengudah ditumbuh, ku Hamdan, sida mega patut nyirika pemesai nyaga pengelikun ti deka ngaga mayuh audit sereta manijar nyaga pengelikun ti gawa enggau raban pengatur pengawa pengelikun.
Iya ngarapka ari gempung nyaga pengelikun, enggau nyiri pemesai ngerara api enggau menijar, sida deka bisi tanggungpengawa ari pengawa audit pengelikun enggau bisi penyedar ba premis lalu ukai semina ngiga untung aja.
“Laban penguntung enggau puku kita bepanggai ba baka ni chara kita ngintu, iya nya palan pengeluar kita.
“Enti kita ngeluarka asil produk tinggi ti tau dieksport lalu bisi pekara nyadi ba begunan lalu kita lenyau semua, ba penemu aku, manah agi kita lenyau strategi nagang,” ku Hamdan.
Sama datai iya nya ADUN Samalaju Majang Renggi, Direktor Bomba Edwin Galan Teruki, Direktor Bomba Nengeri Khirudin Drahman, Menijar Wilayah Opis Wilayah Utara JKR Sarawak Wisil Licok, Direktor Himpun Daya Sdn Bhd Maszarina Taha, Ketuai Bomba Zon Bintulu Unjar Lum sereta bala pengari pemain industri.