KUCHING: Seraban peranak Kampung Lubok Bunting, Simunjan minta Komiti Nagang Makai Suap Malaysia (SPRM) ngaga pansik bekaul isu tanah ba genturung pendiau sida.
Peranak menuya nya madah tanah sida urung 1,000 ekar udah diambi sebuah serikat ungkup pemansang.
Kenu ku penyanding penemu raban nya, Dominique Ng, tanah nya udah ditetapka perintah ungkup tuju nangkir genturung pendiau.
Taja pia, ba taun 2000 bekau penemu ari pengari rayat sitak nya, peranak dia bisi ngambi bagi nyereta projek kunsi enggau sebuah serikat ungkup tuju pemansang.
“Penanggul datai maya peranak nya dipadahka serikat ke dipasuk nya ba projek kunsi nya ngelama tu ukai serikat ti ngemansangka tanah nya.
“Penangul pansut pengudah peranak menua nya dipadaghka serikat ke dipasuk sida ungkup projek kunsi nya ukai serikat ke deka ngemansang tanah nya ngelama tu.
“Tang diatu, piak serikat madahka peranak genturung pendiau nya ngeruga tanah serikat taja tanah nya endang tanah rayat,” ku iya ba aum media ba luar Indu Opis SPRM Sarawak ditu, kemari.
Berebak engagu nya peranak genturung pendiau nya ngasuh SPRM mansik pekara tu enggau dalam laban ejensi tu endang dikuasa perintah besai ke baru.
“Peranak menua nya semina deka nemu nama kebuah tama tanah sida ke udah ditetap alai ngaga pemansang nyau diberi ngagai serikat bukai ke nadai kaul ngelama tu.
Pekara tu ku iya ngeruga 80 buah pintu ruang bilik nyengkaum urung 1,000 iku peranak Kampung Lubok Banting, Simunjan iya nya kira 100 km penyauh ari tu.
Raban peranak menua tu mega bisi ati deka ngaga ripot rasmi ngagai SPRM kena Hari Satu tu.