Anda di sini

Atur bayar PTPTN chara nulak gaji nating peminjau

Advertisement
GHADDAFIE
GHADDAFIE

KUCHING: Atur Opis Wang Turu Pelajar Tinggi Nasional (PTPTN) deka bejalaika chara mayar progresif tauka nulak gaji (PGB) diasai lebih nating bala peminjau.

Tambah mega nyema atur ke diguna nya endang kala dikemeranka bala peminjau ngelama tu.

Ba siku ex-peminjau, Mohacmmed Ghaddafie Zamani, PGB tu chukup nating laban diasai ‘ngukum’ bara peminjau ke diatu endang nyadi pemayar tetap pinjau nya.

Ku iya ke udah abis mayar utang PTPTN kenyau 10 taun ke udah, agi bisi baka bakih bukai sebana laban sida endang pemayar PTPTN ke ngaga bayar tulak gaji ari bank ninting bulan baka ke udah disetuju nitihka pekat.

“Tang, PGB tu amat nating laban diasai bela ‘ngukum bala peminjau ke diatu nyadi pemayar tetap pinjau nya.

“Tang, PGB tu diasai nating laban bela ‘ngukum’ bala peminjau ke endang ngaga bayar ninting bulan.

“Tu laban kuantum sida ke mayar endang ninting bulan, ngujungka penyampau utai dibayar sida nya betambah dua tauka tiga kali lipat,” ku iya madah ngagai Utusan Borneo ditu, kemari.

Tandu Ghaddafie, 34, pengereja pengawa swasta, nya endang ngasuh asa laban sida ke endang mayar ninting bulan nyau betambah tating belanja laban udah bisi pekara bukai ke patut dibayar.

Ambika chunto, ku iya pengawa mayar bepelasarka kuantum iya nya  15 peratus ungkup gaji RM7,000 ke atas mega deka mayar ngelui RM1,000 sebulan lalu nya enda adil nyema sida udah ngaga bayar tetap ngelama tu.

Ngelansa pasal peminjau ke ngembuan gaji kurang RM2,000 nadai tulak, Ghaddafie madah, taja orang nya ngembuan penatai pemisi kurang ari RM2000 sebulan, penyampau bayar minima tau dipun.

“Nya mih deka ngepunka asai bisi tanggungpengawa mayar pinjau ke udah digaga ungkup guna bala nembiak enggau peminjau ke baru.
“Ba penemu aku bayar RM40 sebulan ungkup sida ke ngembuan gaji RM2,000 endang penyampau ke numbas iya dikena sida mayar pulai.

“Nyangka sekeda peminjau deka mut-mut, tang bayar minima RM40 ba aku umbas iya,” ku iya.

Kelimpah nya, iya madah piak PTPTN patut nitihka pekat chara Ujrah ke udah dipekat enggau peminjau.

Tambah mega bala pemintau udah ngaga bayar enggau manah lalu nya patut dikeingat anang mejal sida ngaga bayar ke besai nyau baka ngukum, nya diperati enda adil lalu ngukum peminjau ke mayar enggau manah.

Kemari, Menteri Pelajar Dr Maszlee Malik madah atur mayar baru  PTPTN deka ditangguh dulu.

“Pemutus nya digaga laban deka berandau dulu enggau bala sida ke bukai,” ku iya nengah laman media rama Facebook.

Kena Hari Tiga tu tadi, Chairman PTPTN Wan Saiful Wan Jan madah, ejensi nya deka bejalaika atur PGB bepelasarka tulak ari gaji berengkah Januari 2019.

Advertisement