Anda di sini

UPP deka ngatur Aum Besai Delegit kena Hari Enam tu

KUCHING: Parti Rakyat Bersatu (UPP) deka ngatur Aum Besai Delegit  (EDC) kena Hari Enam tu lalu ngempuruka semua delegit enggau pemerati ari selampur Sarawa.

Program ke berengkah pukul 9.30 pagi di Crown Square, ditu deka dipenyadika Kepala Menteri Datuk Amar Abang Johari Tun Openg.

Aum besai serak tu dipelaba engka kepenudi iya ungkup UPP sebedau iya nyingkang ke mua agi ngena nama enggau lambang baru. Sama datai maya tu ila Presiden parti Dato Sri Wong Soon Koh, Sapit iya Datuk Dr Jerip Susil enggau Ketuai Nembiak  Dr Johnical Rayong Ngipa.

Udah nya, Datuk Ranum Mina enggau Datuk Tiong Thai King dipelaba enda ulih datai laban bisi pengawa bukai ke enda ulih diseliah.

Nitih penerang dalam parti nya madahka, Soon Koh ke mega kaban Kunsil Nengeri (ADUN)  Bawang Assan sereta Menteri Dagang Entarabansa enggau E-Dagang sereta Menteri Wang dipelaba deka mantaika nama enggau lambang baru nukar UPP.

Ubah tu digaga seriris enggau pangka penyadi politik menua lebih agi ba Sarawak enggau deka ngangkatka iya nyadi sebengkah parti pupu bansa ti progresif sereta dibuka ngagai semua enda ngira tikas umur enggau penatai.