SIBU: Menteri Muda Raban Nembiak, Lumba enggau Main Datuk Snowdan Lawan dipebasa bejadi ‘Soft Launching’ Belia Kitchen beserimbai enggau Hari Raban Nembiak Renggat Nengeri Sarawak ba Stadium Tertutup Sibu, lemai ensana.
Penatai iya maya tu bela dikena iya nemuai ngagai palan bejual ke bisi dibuka ba pengerami nya.
Belia Kitchen siti komponen beserimbai enggau Hari Raban Nembiak taun tu.
Pengerami tu diatur belabuh 16 November nyentuk 18 November dikena ngelai meri basa ngagai bala nembiak ba pengawa besaup ngemansangka menua.
Sekeda ari program nyempulang ke bisi diatur baka Belia Got Talents, Belia Showcas, Pekit Puteri Belia, Youth Strongman 2018, Anugerah Belia Negeri 2018 sereta macham program ke bukai.
Pengawa bejadi pengerami deka dikemujurka Kepala Menteri Datuk Patinggi Abang Johari Tun Openg.
Sama bela datai nyempulang Snowdan ensana iya nya Sekretari Mendam Opis Menteri Dagang Temuai, Raban Nembiak, Lumba enggau Main Hii Chang Kee.