SIBU: Gerempung Veteran Soldadu Malaysia Nengeri Sarawak (PVTMS) minta bala nembiak peranak nengeri Sarawak ngambika masuk ngagai Palan Pematih Soldadu Diraja (MTD) ungkup taun 2019.
Peminta masuk ke Pom 4 ungkup taun 2019 ngagai MTD udah dibuka ngagai nembiak lelaki Pom 3 taun 2018 diatu ba website www.rmc.edu.my.
KElimpah ari nya, apai indai mega patut meri sukung ngagai bala anak sida ngambi nyereta MTD dikena ngadaka sida ti deka nyadi ketuai jemah ila.
Atur masuk ngagai MTD iya nya meseti peranak Malaysia ke enda tau ngelui umur 16 taun maya 1 Januari 2019, lalu tinggi minimum iya nya 152 cm enggau berat minimum 40.5 kg.
Sida ti deka nganjung peminta mega meseti ngembuan pengerai tubuh manahlalu enda bepenyakit ke ulih ngemedis diri maya ngaga aktiviti soldadu.
Bulih pemutus peresa paling nadai 7A dalam peresa PT3 taun 2018 nyengkaum Jaku Melayu, Jaku English, Matematik enggau Sains.
Chalun ti endang selalu nyereta aktiviti lumba enggau main, muzik, kelab, pengawa dalam gerempung enggau unit beuniform endang diperansang.
Semanjai timpuh belajar, nembiak enda ibuh bebayar (semina deka mayar wang turu PIBG, bayar penyulut akademik, insuran enggau pengelantang pendiau)
Semua perengkaguna endang disedia lalu nadai bebayar nyengkaum pemakai, tempat diau, bup teks, bup kereja, bup tulis enggau kereban nulih sereta uniform.
Kelimpah ari nya, nembiak mega deka diberi elawin sepenyampau RM100 ninting bulan.
Penerang ti silik ulih betelefin ngagai Sel Pemilihan MTD ba lumur 03-89465565/03-89655562.
Pia mega tau terus nanya ngagai opis PVTMS ba lumur 084-349 755/010-9337056 tauka YDP Thomas Ling Kui Eng ba lumur 013-8017056.