Anda di sini

Dua indu ditangkap polis nyual loteri nadai belisin

  Seraban polis JSJ IPD Bintulu maya bejalaika Ops Dadu lemai ensanus.
PERESA: Seraban polis JSJ IPD Bintulu maya bejalaika Ops Dadu lemai ensanus.

BINTULU: Dua iku indu peranak menua tu ke beumur  23 enggau 30 taun gawa ba dua premis bebida ba sitak Batu 5 enggau kedai besai ba Jalai Abang Galau ditangkap raban polis ari Unit Pansik Penyalah Idu Opis Polis Pelilih Bintulu laban dipelaba bejalaika pengawa nyual loteri nadai belisin.

Ketuai Polis Pelilih Bintulu Superitenden Zulkipli Suhaili madah, dua iku undi nya dipelaba gawa ba premis nya lalu ditan nengah Ops Dadu ke dilanchar dikena munaska pengawa judi nadai belisin entara pukul  petang nyentuk  5 lemai, ensana.

“Bela dirampas duit RM380, dua unit telefon binching, mesin ngira, dua unit mesin penyelak mit, pen enggau limpir kereta ke ngundan lumur dipelaba ugkup pengawa judi,” ku iya madah ngagai media ditu, kemari.

Iya madah, kededua saspek udah dibai ngagai Kort Majistret Bintulu ngambika ulih minta reman (kemari).   Ku iya pansik dipejalai nitihka Seksyen 4A(a) Akta Rumah Judi Terbuka 1953 ke ngundan ukum enda ngelui RM200,000 tauka lima taun jil.