Anda di sini

Ngaga, nyual arak nyadi ketegal tendu undang–undang

Advertisement

SIBU: Neritaka adat enggau undang - undang beguna amat  dikena mutarka penanggul orang ke mai tama belalai tauka ngaga arak,laban ketegal nya tauka pengelemi adat meransang aktiviti nya balat agi nyadi.

Menteri Dagang Temuai, Seni, Main Asal, Nembiak Lumba enggau Main Datuk Abdul Karim Rahman Hamzah madah, tetiap bisi pekara nyadi ti ngeringatka mensia mayuh,kitai bisi mayuh penemu ke datai ari netizen enggau peranak menua tu sentang chara mutarka penanggul nya.

“Aku pechaya kitai kurang undang – undang dikena mutarka penanggul pengawa nyadung arak ti enda dikemendarka tu. Penanggul nya, tetiap iku gagit lalu berengkah deka meri langgur penemu ke manah pengudah penusah nya nyadi.

“Lebuh pengawa mai tama nadai dikemendar tu majak balat nyadi, nadai orang dipeda baka ke bisi pengibuh nyengkaum ejensi penerita adat tauka kaunsil. Pekara tu nyadi bepun ari pengawa pengelemi neritka adat,” ku Abdul Karim lebuh dikerandau kemari.

Kaban Kunsil Nengeri Asajaya ditanya ngambika meri langgur  penemu sentang pinta Yayasan Nagang Pengawa Jai Malaysia (MCPF) ti minta perintah ngeletakka ukum jil mandatori ngagai orang ti nyadung sereta nyual belalai tauka nyampur alkohol ngena utai bukai.

Senior mandal chairman, Tan Sri Lee Lam Thye,madahka undang – undang ke diatu patut diubah laban kedai ke nyual alkohol kelalu balat mayuh lalu kurang diberi perati opis bekuasa.  

Lee mansutka penerang nya berindik ari pemati ketegal alkohol ke berachun ba sekeda endur di Semenanjung Malaysia.

Menteri Muda Opis Kaunsil Kandang Menua Datu Dr Penguang Manggil, ukum jil mandatori patut dipejalaika ngagai orang ti ngawa arak ti enda dikemendar.

Iya pechaya, nya mih pekara ke pemadu manah digaga dikena ngurangka ulah ngirup alkohol ba sekeda raban orang.

“Aku mega ngarap ukum ke baka nya mega patut dipejalaika ba raban orang dagang ti semina deka beambi ulih aja.

“Berebak enggau nya,patut amat kitai bisi bukti tauka sistem neritka adat ti ngasi dikena ngurangka insiden tauka pengawa mai tama belalai utai nya, tauka sebarang komoditi bukai ke dichukai ngambika sida enda berasi ngeleseika undang-undang.

“Tambah mega, pengelemi neritka -undang  semina deka meransang pengawa mai tama chara belalai nyadi suah agi,”ku Penguang.

Advertisement