KUCHING: Sepenyampau 40,580 iku chalun ari 1,284 palan beperesa di serata Sarawak diatu ngambi Ujian Pencapaian Sekolah Rendah (UPSR).
Ari penyampau nya, 30,651 iku chalun nya ari sekula perintah ti ngambi peresa ba keretas keterubah kemari. Bala nembiak ari sekula China ke bisi 9,929, udah ngambi keretas peresa keterubah Bahasa Cina Pemahaman enggau Bahasa Cina,Penulisan kena Hari Empat nyin tadi.
Semua chalun UPSR ngambi peresa keretas Bahasa Melayu Pemahaman enggau Bahasa Melayu Penulisan kemari. Keretas UPSR kepenudi endar iya nya Sains Keretas 1 enggau Sains Keretas 2 deka diambi kena Hari Empat ti deka datai tu.
Berebak enggau nya, ba SK St Mary Kuching bisi 91 iku chalun ke ngambi peresa nya, lalu sida dipeda benung ntinuk ngelansa utai ti udah di pelajar ssebedau berengkah ngambi peresa nya.
Pengawa besembiang mega bisi dipejalaika begulai enggau bala pengajar, apai Indai enggau penyaga. Ngambi nyadika peransang, apai indai enggau penyaga dikemendarka merap lalu meri jaku peransang ngagai bala nembiak sebedau bala nembiak nya tama ngagai balai peresa.