Anda di sini

Penerbai bilun komersyel Sarawak ditambah berengkah 2019

Advertisement
Loke bejaku ngagai pemberita pengudah betemu Abang Johari Di Komplek DUN.
Loke bejaku ngagai pemberita pengudah betemu Abang Johari Di Komplek DUN.

KUCHING: Opis Menteri Pengangkut keran nambah servis penerbai bilun komersyel di Sarawak.

Pekara tu dipansutka menteri ba opis nya Anthony Loke ba penemuai basa iya ke Opis Kepala Menteri Datuk Patinggi Abang Johari Tun Openg di Komplek Dewan Undangan Negeri(DUN) ditu, pagi tadi.

"Kitai sedia ngadu kerejasama enggau Perintah Negeri ba atur ngemansang servis pengangkut bilun komersyel ditu.

"Di Sarawak, serbis bilun komersyel chukup beguna lalu aku udah madah ngagai kepala menteri diak kitai deka nambah penerbai bilun di nengeri tu," ku Loke.

Iya pechaya atur nambah penerbai bilun di Sarawak ulih dikemujur ba taun 2019.

Kelimpah ari nya, opis menteri pengangkut ku Loke benung mansik chara ke ulih dikena ngemansang palan penerbai bilun di serata menua.

Ku iya, palan penerbai bilun di Sarawak bela disengkaum ketegal nengeri tu besai.

"Sarawak begunaka servis penerbai bilun komersyel ke efisyen ketegal nengeri tu bisi potensyel ba pengawa dagang temuai, logistik enggau ke bukai.

"Enti sistem pengangkut tu efisyen, aku pechaya ulih mantu ngangkatka ekonomi Sarawak," ku iya.

Iya mega madah deka berundingka pinta kepala menteri nambah penerbai bilun terus ari Kuching ke Jakarta, Australia sereta menua bukai.

Ari sukut geografi ku Loke, penerbai bilun terus Kuching nuju Jakarta sigi patut ketegal ti semak agi.

"Kitai nega merundingka pinta nyendia servis penerbai bilun terus ari Sibu nuju China enggau Miri nuju China," tandu Loke.

  • oleh
  • Advertisement