KUCHING: Siti bup dalam Jaku Iban ke diberi nama Sugi Sakit: Gerai Bai Pengerindu diatu udah dijual ba Tun Jugah Foundation Level 4, Tun Jugah Tower enggau rega RM70 siti.
Bup ke ngembuan 370 iti lambar nya, enggau kulit ke tebal dikarang Jantan Umbat dalam versyen Iban ke bup bup nya ke dulu ari tu diberi nama ‘A Borneo Healing Romance: Ritual Story Telling and the Sugi Sakit, A Saribas Iban Rite of Healing’ dikarang Professor Clifford Sather.
Bup nya nyendiaka pekara silik sentang pengawa berubat asal bansa Iban nyengkaum Sugi sakit ke tau ngeraika sebarang bagi penyakit ke lalu nyelamatka orang ti sakit sereta meri pengarap mimit ulih idup pengudah beberapa pengawa ti ngemegah,kering nerangka kebuah bakani ku pengawa bemanang nya bisi kuasa ulih ngeraika.
“Ke bendar nya chara ke penudi endar ngiga bantu ari petara.Dalam bup tu, penerang udah disimpul sereta dipansutka ari penemu paderi- lemambang nyengkaum jaku kenang ari interbiu enggau sekeda individu ba bala ke bisi datai maya pansik tu berengkah dipejalaika dalam taun 2003,” ku Jantan.
Teks penuh sampi dikena ngerai lemambang nya mungkur siti nama iya nya niang Tuai Rumah Renang Jabing ari Rumah Panjai Tarum, niang Munan ke siku manang enggau Bada Gudom ari rumah panjai Dit udah diturunka.
Sampi nya lebuh diperati silik, mandangka reti sereta raga keti besai reti penerang sentang pengawa ngeraika lalu bup ngerintaika tusun pengawa maya berubat ke ditembu enggau pengawa nilik tauka nyangka ngena atau babi. Bup nya tau dibeli terus ari Dorin Linang ba Level 4, Tun Jugah Tower.
Penerang silik sentang bup tu tauka nanya chara meli bup tu tau dituju ngagai lumur 082-239672 / tauka faks 082-412185 tauka e-mail [email protected] or [email protected]