Anda di sini

Pengerami ‘Do Ledoh’ dijaga nyadi pesaka bansa Kayan

Advertisement

BELAGA: Pengerami  ‘Do Ledoh’ Sungai Asap, Belaga 2018, iya nya pengerami meri terima kasih pengudah abis ngetau padi dalam bulan Mei tu tadu betuju ngidupka baru sereta ngetanka daya idup, adat asal enggau pesaka asal bansa Kayan ngambi bisi dipeturun ngagai nembiak rebak baru.

Pemancha Umek Jeno madah pengerami nya diatur pengelama dua hari bepun 25 Mei di Uma Balui Liko, Sitak Pengentap Baru Sg. Asap/Koyan Belaga kali kelima tu berambaika jaku ‘Menangen Urip Unak’ (Ngetan Adat Lama), diatur enggau cghukup richah.

Penghulu Saging Bit madah, nyau deka semua raban bansa Kayan udah megai pengarap baru tang pengerami nya nadai kaul enggau pengarap laban iya endang daya idup asal raban bansa Kayan.

Chairman Gerempung Maren Uma Sg.Asap, Duren Lihan madah nyema pengerami ‘Do Ledoh’ enda disambut nyadi iya dikenangi deka lenyau lalu nadai ditemu nembiak ke rebak baru.

Maya pengerami nya, mayuh aktiviti bisi diatur nyengkaum pekit nyendiaka pemakai asal, main rayat, aktiviti main asal, beperindang enggau pengawa belagu.

Anugerah Khas mega bisi disua ngagai raban bansa Kayan ke landik enggau udah teulihka pemujur dalam mayuh bidang nyengkaum nyadi ketuai, ba bidang seni enggau main asal sereta bidang kraf jari. — Bernama

Advertisement