Anda di sini

Pekit Fotografi PUSAKA 2018 dibuka diatu

KUCHING: Mensia mayuh ke diau di Sarawak diperansang nyereta Pekit Fotografi PUSAKA 2018 ke diatur nyerumba pengerami Genap 45 Taun PUSAKA (1973-2018) udah ditumbuhka.

Nitihka penerang ari Komiti Pekit Fotografi PUSAKA tu, pesereta ulih masuk semua tiga kategori ti dipekitka iya nya Kategori Panorama Hutan, Kategori Kayu dan Kegunaannya enggau kategori Flora dan Fauna.

“Pekit tu dibuka ngagai peranak Malaysia ke diau di Sarawak sereta semina gambar ke diambi ba Sarawak aja ke ulih dipekitka.

“Pesereta ulih nganjung mayuh gambar dipekitka, taja pia semina siti perais aja ulih dimenang ba tetiap penyereta nyema kena pilih.

“Semua penyereta patut dianjung ngagai pengatur kena tauka sebedau pukul 5 lemai kena 3 Ogos 2018. Lalu nama pemenang deka dibantaika sereta ngambi perais maya Pameran Sempena Perayaan Ulang Tahun Ke-45 PUSAKA (1973-2018),” ku Komiti Pekit nya.

Entara penetap nyereta pekit tu, ungkus proses, nyelak imej enggau nganjung gambar ditanggung pesereta empu; gambar dichelak ngena keretas gambar, ti pemesai 8” X 12” lalu dilekatka ba “Mounting Board” ti pemesai 10” X 14” (chura chelum).

Pom penyereta asal tauka  disalin patut dilekatka ba belakang tetiap gambar ke dianjung lalu gambar ke dianjung mega patut diseretaka enggau filem tauka CD foto ti bekaul.

“Gambar ke dianjung patut tulin ke diambi diri empu sereta bedau kala dipansut tauka dipekitka tauka menang enda ngira pekit sekalika di dalam tauka luar menua. Semua gambar patut disereta haribulan, taun enggau dini endur gambar diambi,” ku Komiti Pekit.

Pemenang ba tetiap kategori deka nerima perais lumur satu RM5,000, lumur dua RM3,000 enggau lumur tiga RM1,000 sereta dua perais sagu ati RM500.

Sebarang tanya sereta pom pekit tau diambi nengah laman web PUSAKA ba www.sarawaktimber.gov.my tauka diambi ari kaunter PUSAKA.

Penyereta patut dianjung ngagai Komiti Pekit Fotografi PUSAKA Sempena Perayaan Ulang Tahun ke-45 PUSAKA, Perbadanan Kemajuan Perusahaan Kayu Sarawak (PUSAKA), Wisma Sumber Alam, Jalan Stadium, Petra Jaya, 93050 Kuching, Sarawak, Malaysia, Tel: 082-473000, Faks: 082-473151 sereta (U.P: Mohammad Mubarak Abdillah Su’ut/ Wan Jaafar Wan Pakir).