PENAMPANG: Panantaban piintangaan do Sugandoi Kaamatan 2018 di kosodop pinopoimbuhai do 10 huhumozou bobos tavasi montok monongkibai doid panantaban touvi do ontok tadau koonom diti, 26 Mei.
Oinsanan 10 huhumozou diho nopo nga kapaampai di Michelle Michael Labanjun (DBKK), Frandavki Sikuah @ Fransisca Juingki) (Klang Valley), Terence Renas Azz (Likas), Mackdowell Lester Maris (Kepayan), Ryna Tongkooh (Wilayah Persekutuan Labuan), Zarinie Shakira Zainal (Libaran), Melinda Painol (Kota Belud), Evana Left Hera Balinti (Ranau), Terence Woritus Paulus (Penampang) om Gretchene Quirina (Inanam).
“Montok minting do panantaban touvi diho, kivaa tikit dagangon kumaa tuhun ginumuan ih dagangon doid habus suangon hintuun Hongkod Koisaan,” ka di songuhun buu’an mangazu.
Hopod huhumozou nopihi humaang doid panantaban touvi nopo nga somboogizan mantad 20 huhumozou minonongkibai doid panantaban piintangaan.
Poguhu ih diho nakapanau oh panantaban pitohu ih noomungan toinsanan 45 huhumozou ih huminansan do uvang sompoopoi dioho miampai nokoikot minoi pokilijistol doiho id Hongkod Koisaan di ontok 22 Mei.
