Anda di sini

Sugandoi 2018: Kivaa 20 nakahantoi kumaa panantaban piintangaan

Advertisement

PENAMPANG: Panantaban ponimpuunan do Sugandoi Kaamatan 2018 di kosodop nokopoimbuhai do 20 huhumozou humaang kumaa doid panantaban piintangaan  do ontok doungosodop baino.

Oinsanan 20 huhumozou nopo diho nga hobi pitanga mantad toinsanan 45 huhumozou huminansan do uvang sompoopoi dioho ih nokoikot minokilijistol doid Hongkod Koisaan om minamung do panantaban ponimpuunan.

“Panantaban piintangaan sodop baino doiho id Hongkod Koisaan nopo nga momihi do 10 bontugan huhumozou montok humaang kumaa doid panantaban touvi do Sugandoi Kaamatan 2018,” ka di songuhun buu’an sugandoi uvang.

BONTUGAN 20 monongkibai doid panantaban piintangaan.
BONTUGAN 20 monongkibai doid panantaban piintangaan.

Oinsanan 20 monongkibai doid panantaban piintangaan sodop baino nopo nga kapaampai di Gretchene Quirina (Inanam), Christopher Adrian Winces (Kemabong), Muhadin Asmadin Full (Kinabatangan), Bens Hayden (Tamparuli), Rushdy Kudy Rapheal (Tenom), Eric Noel (Tuaran), Mc Kenna Godie Gusting (Kota Marudu), Fazilah Etar (Paitan), Daryl Wesmin (Johor), Ryna Tongkooh (Wilayah Persekutuan Labuan).

Frandavki Sikuah (Fransisca Juingki) (Klang Valley), Zarinie Shakira Zainal (Libaran), Michelle Michael Labanjun (DBKK), Evana Left Hera Balinti (Ranau), Dynna Leong (Papar), Lana Lana (Keningau), Terence Renss Azz (Likas), Melinda Painol (Kota Belud), Mackdowell Lester Maris (Kepaayan) om Terence Woritus Paulus (Penampang).

Panantaban touvi nopo nga kapanau do ontok 26 Mei om kivaa tikit dagangon kumaa tuhun ginumuan sumuang doid hintuun Hongkod Koisaan montok mintong do huhumozou ngavi di bobos tavasi.

  • oleh
  • Advertisement