Anda di sini

DJ Fred sumolowot miampai Ponindualan Nu Montok Dogo

TINGADAN Susuminding Tabantug Huguan Siou KDCA 2018 popoimbulai do 15 sinding-sinding tongosonong do Kadazan Dusun Murut ontok tadau koonom, 19 Mei diti hilo id Hongkod Koisaan Penampang.

Kointalangan mantad koobian mangayu pinopoilo do oinsanan sinding dilo nopo nga polombuson di susuminding dau kotimpuun do ontok jaam koturu totuong id sinasawat do natadon Hongkod Koisaan.

“Iso nopo do sinding poingulud id tingadan dilo nga sinding Dusun ‘Ponindualan Nu Montok Dogo’ ih polombuson do Frederick Julius (DJ Fred),” ka di songulun susumokodung do kopotunuian tingadan susuminding tabantug dilo.

DJ FRED
DJ FRED

Noulud oh kopotunuian Tingadan Susuminding Tabantug Huguan Siou dilo montok somboogian ababayan mihondot do Kaamatan Nayatan Pogun Sabah ih kolimunduk do ontok 30-31 Mei diti.

Tingadan dilo nopo nga kapaampai do tolu boogian ih kopohompit do limo sinding montok pangaan Dusun, pangaan Kadazan (5) om pangaan Murut (5).

Montok sinding Dusun, suai ko ih Fred, poingampai nogi oh sinding Boros Nu Di Tohuri Noh - S. Welly / Benn Simon, Sopirosi-Rosi - Ridah Malanjang, Id Pagandadan - Fabian William om Kakal Poinggirot - Gedion Hilarius II.

Montok sinding Kadazan nopo nga Poingompiku - Rosario Bianis, Pitongkizadan - Cathy Woritus, Guminavo Zou Diau - Stephen Masil, Iziau Nodaa – Joseph George om Hangadku Tomoimo - Anna Stanislaus.

Naamot dilo, montok do sinding Murut nopo nga kaampai no Umie - Maxcius Gayah, Tinauh - Afiezal Kikok, Pangkaraan Ku Diun - Keydeet Jake, Nahambayan Nangivit Ra Pansuayan - Sharin Amud Shapri om Asie Mu Ina - Abby Suehaiveey Abir.