Anda di sini

Parti komponen BN Sarawak deka berandauka kuing parti

 

KUCHING: Pemutus deka nentuka kuing Barisan Nasional (BN) Sarawak deka ditentuka pengudah nemu runding semua parti komponen nya ba nengeri tu.

Pekara nya dipadahka Chairman BN Sarawak Datuk Patinggi Abang Johari Tun Openg (gambar) dalam aum pengarang berita ditu, sehari tu.

Aum pasal nentuka kuing BN Sarawak deka dikerandau entara Parti Pesaka Bumiputera Bersatu (PBB), Parti Rakyat Sarawak (PRS), Parti Demokratik Progresif (PDP) enggau Parti Rakyat Bersatu Sarawak (SUPP).

Pekara nya dipejalaika berindik ari BN ti alah ba Pengawa Bepilih Besai Ke-14, apin lama.

"Kitai deka berandau dulu entara parti komponen BN (sekalika pansut tauka enda)," ku iya ti enda madahka kemaya deka berandauka pekara nya enggau parti komponen BN.

Dulu ari nya Abang Johari ti mega Kepala Menteri sereta Presiden PBB nyadi chairman aum Majlis Tertinggi PBB ke diatur ba Indu Opis PBB ditu.