KUCHING: Semua 31 iku chalun Barisan Nasional (BN) Sarawak Pengawa Bepilih Besai Ke-14 (PRU14) nerima surat kuasa, sehari tu.
Surat kuasa Calon BN PRU14 nya disuaka Chairman BN Sarawak ti mega Kepala Menteri Datuk Patinggi Abang Johari Tun Openg, seraya disempulang Sapit Kepala Menteri Datuk Amar Douglas Uggah Embas diatur ba Indu Opis Parti Pesaka Bumiputera Bersatu (PBB).
Dulu ari nya, Abang Johari urung sejam baum betambit pintu enggau semua chalun BN nya.
Ari penyampau 31 iku chalun nya, bisi 15 iku chalun baru sereta 16 iku penyandang ngetanka sitak sida iya.
Chalun baru nyengkaum enam ari PBB iya nya Jeannoth Sinel (Puncak Borneo), Robert Lawson Chuat (Betong), Yusof Abdul Wahab (Tanjong Manis), Ahmad Johnie Zawawi (Igan), Datuk Hanifah Taib (Mukah) enggau Lukanisman Awang Sauni (Sibuti).
Nambahka chalun baru ari Parti Rakyat Bersatu Sarawak (SUPP) iya nya Kho Teck Wan (Bandar Kuching), Datuk Dr Sim Kui Hian (Stampin), Datuk Seri Huang Tiong Sii (Sarikei), Kelvin Kong Sien Chiu (Lanang), Datuk Andrew Wong Kee Yew (Sibu) enggau Datuk Sebastian Ting Chiew Yew (Miri).
Parti Rakyat Sarawak (PRS) enchalunka dua orang baru iya nya Rita Sarimah Patrick Insol (Selangau) enggau Robert Pasang Alam (Lubok Antu). Kelimpah ari bisi siku ari Parti Demokratik Progresif (PDP) Subeng Mula ti nyadi chalun BN ba Parlimen Saratok.
Kelimpah ari nya bisi 16 iku penyandang ti nyengkaum 8 ari PBB iya nya Datuk Seri Wan Junaidi Tuanku Jaafar (Santubong), Datuk Seri Fadillah Yusof (Petra Jaya), Rubiah Wang (Kota Samarahan), Datuk Seri Nancy Shukri (Batang Sadong), Datuk Seri Rohani Abdul Karim (Batang Lupar), Datuk Alexander Nanta Linggi (Kapit), Hasbi Habibollah (Limbang) enggau Datuk Henry Sum Agong (Lawas).
Datuk Seri Richard Riot Jaem ari SUPP ngetan tauka penyandang sitak Parlimen Serian.
Empat penyandang ari PRS iya nya Datuk Masir Kujat (Sri Aman), Datuk Joseph Salang Gandum (Julau), Datuk Aaron Ago Dagang (Kanowit), enggau Datuk Wilson Ugak Kumbong (Hulu Rajang).
Tiga Penyandang ari PDP iya nya Datuk Nogeh Gumbek (Mas Gading), Datuk Seri Tiong King Sing (Bintulu) enggau Anyi Ngau (Baram).