Anda di sini

15 Tim CERT nerima 'Portable Fire Pump'

Advertisement
Lima belas tim CERT ke nerima 'portable fire pump' begambar bebala mayuh enggau Uggah, (empat ari kanan) Dr. Sim,  Pau (tiga ari kiba) Nor Hisham enggau Dr Chai.
Lima belas tim CERT ke nerima 'portable fire pump' begambar bebala mayuh enggau Uggah, (empat ari kanan) Dr. Sim, Pau (tiga ari kiba) Nor Hisham enggau Dr Chai.

KUCHING: Unit Keselamatan dan Penguatkuasaan Negeri Jabatan Ketua Menteri enggau PETRONAS udah mujur ngagihka 15 unit 'portable fire pump' ngagai Community Emergency Response Team (CERT) Sarawak nengah inisiatif tanggungpengawa rama korporat (CSR) PETRONAS, sehari tu.

Kereban 'portable fire pump' nya disuaka Sapit Kepala Menteri ti mega Chairman Komiti Mutarka Penusah Ngenyit Nengeri (JPBN) Datuk Amar Douglas Uggah Embas.

Lima belas tim CERT ke nerima pam iya nya Batu Kawa, Simpok, Senah, Rayang, Bunan Gega, Buntal, Sebuyau, Tanjung Engkabang, Engkilili, Debak, Sungai Jih, Kemunting, Jepak, Belaga, Nanga Medamit enggau Long Sukang.

"Ngagai penerima 'portable fire pump' tu, aku ngarapka kita semua ulih ngena tu enggau manah ke pengelantang semua.

"Intu pam tu enggau manah anang nganti jai anang nganti piak bomba datai ngemanah tauka ngintu pam tu," ku Uggah lebuh bejaku seraya bejadika pengerami nyerahka 'portable fire pump' ngagai CERT ke diatur ba Indu Opis, Opis Bomba enggau Penyelamat Malaysia (JBPM) Sarawak, seharitu.

'Portable Fire Pump' iya nya sebengkah elemen Dalam Program Retraining CERT ke alai semua kandang endur ke ditumbuhka Tim CERT deka disediaka pam sereta deka dibantu ulih Pasukan Bomba Sukarelawan (PBS) maya ngena kereban tu enti bisi penusah ngenyit nyadi sebedau ejensi profesyenal datai.

Sama bisi datai ngagai pengerami nya kemari Menteri Kaunsil Kandang Mengeri enggau Pengawa Berumah Datuk Prof. Dr. Sim Kui Hian, Direktor Unit Keselamatan dan Penguatkuasaan Negeri Datuk Dr Chai Khin Chung, Direktor JBPM Sarawak Nor Hisham Mohamad enggau Ketua Pegawai Eksekutif Malaysia LNG Sdn Bhd Sarawak Pau Kiew Hua.

  • oleh
  • Advertisement