Anda di sini

Semua jalai ti putus laban sungai semanjai tebing tasik deka disambung

Advertisement

KOTA SAMARAHAN: Perintah deka ngaga jematan ba jalai ke putus sambung ketegal sungai semanjai jalai tebing tasik di nengeri tu.

Kepala Menteri Datuk Amar Abang Johari Tun Openg madahka, entara ke deka dipejalaika iya nya Jematan Batang Lupar ti dipelabaka beungkus RM1 bilion.

Ku iya, ketegal ungkus ti tinggi, belanja ngaga jematan pemanjai lima kilometer nya deka dibagi setengah entara perintah besai enggau nengeri.

Perintah besai deka ngeluarka belanja RM500 juta lalu perintah nengeri mega deka ngeluarka RM500 juta dikena ngaga jematan tu.

Projek tu diatu ba renggat ngelangkar lalu kitai deka bejalaika pengawa ngaga Jematan Batang Lupar enda lama agi,” ku iya ba ‘Majlis Ramah Tamah Aidilfitri’ Bagi Menua Samarahan di Dewan Suarah Samarahan ditu, ensanus.

Sama bisi datai, Menteri Pemansang Orang Indu, Ruang Bilik enggau Raban Bansa ke mega Kaban Parlimen (MP) Batang Lupar Dato Sri Rohani Abdul Karim; Menteri Dagang Temuai, Seni , Main Asal, Nembiak enggau Lumba enggau Main Datuk Abdul Karim Rahman Hamzah; Speaker Kunsil Nengeri (DUN) Datuk Amar Mohd Asfia Awang Nassar; Menteri Muda Jalai Pesisir Datuk Julaihi Narawi; Menteri Muda E-Dagang Datuk Mohd Naroden Majais; MP Samarahan Tubiah Wang, Kaban Kunsil Nengeri (ADUN) Sadong Jaya Aidel Lariwoo, ADUN Muara Tuang Datuk Idris Buang, ADUN Stakan Dato Sri Mohammad Ali Mahmud enggau ADUN Simunjan Awla Dris.

Kelimpah ari nya, Abang Johari madahka perintah mega bisi merambu ngaga Jematan Saribas enggau Jematan Batang Lassa dikena neruska sambung jalai di jalai tebing tasik.

Kitai deka ngiga belanja dikena ngemansangka jematan tu,” ku iya.

Dulu agi ari nya iya madahka, naka ke diatu dua jematan ti nyambungka jalai tebing tasik udah dipejalaika iya nya Jematan Batang Sadong ti tembu taun nyin kemari lalu Jematan Samarahan dipelabaka tembu taun baru.

Jalai nya amat beguna ba kitai dikena nyungkak sereta ngemansangka ekonomi raban bansa ke diau ba jalai tebing tasik tang putus sambung ketegal sungai.

Nya alai kitai patut ngaga jematan dikena nyambungka semua jalai nya,” ku iya.

Advertisement