Anda di sini

Nembiak Bario udah berani bejaku English

Tu asil penatai iM Sarawak nengah JJP ba Bario kenyau tiga taun ke udah: Yew Kok Wing

KUCHING: Penatai iM Sarawak nengah Program Pemberita Junior (JJP) ba Bario kenyau tiga taun ke udah mujur ngangkatka pengelandik lebih agi ba Jaku English (BI) raban nembiak ditu.

Program nyerumba aktiviti ekodagang temuai ‘Runners Wild Bario’ nya mujur nempa nembiak ba Bario landik BI.

JJP betuju ngelatih pengelandik nulis ba raban nembiak sekula primari, diatu udah tiga taun diatur dikena ngenajamka pengelandik bala nembiak ba sitak nya.

Tambah mega, semua nembiak ke nyereta program nya diberi awak ngemeranka pengelandik sida nengah pengawa intebiu pesereta tauka temuai ke datai ngagai Bario maya program pelanda nya.

Tu mega dikena ngelatih pemerani genap iku nembiak SMK Bario ke nyereta program besilih enggau Kolej Antarabangsa Hong Kong Hong Lok Yuen kenyau 2016.

Pelajar ari SMK Bario diajar ngemeranka pengelandik BI begulai enggau kaban speaker nengah randau ‘online’.

Nembiak ari Bario nyadi penyangkai alai semina sembilan raban nembiak enggau pangajar ari sekula antarabansa.

Prinsipal SMK Bario Yew Kok Wing madah, piak sida chukup beterima kasih ngagai iM Sarawak nengah program JJP nya sekumbang iya dipejalai tiga taun ke udah.

Sekumbang timpuh nya, nembiak kami mujur sereta chukup berani bejaku kelimpah berandau ngena BI.

Tambah mega, tu ngujungka pengawa belajar chukup ngerinduka sida,” ku iya.

Kelimpah nya, nembiak sekula primari enggau sekondari ba Bario mega bisi nyereta bengkel BI ke endang sebagi ari Program ‘i-Teach Group’s English Language Community’ (ELCOP).

Pemungkal iya, Yohannis Aching iya nya seiku orang dagang biak ke mujur sereta kala nyereta Program Ketuai Nembiak iM Sarawak taun 2015.