Anda di sini

Kemeratka pemeresi Makit Selangau

Advertisement

SELANGAU: Semua raban orang bisi bempu palan bedaja ba Makit Selangau ditu dipinta bela ngemeranka pemeresi palan nya.

Sida ditangkan anang kelalu ngandalka Opis Menua Pesisir Sibu (SRDC) bejalaika tanggungpengawa nyaga pemeresi.

Sapit Chairman SRDC Oliver Kuo madah, sida ke enggai nitihka jaku tangkan nya deka ditagang bejual dia.

“Taja pan SRDC bisi raban penerit adat ba makit nya tang kitai agi randaka kerejasama ari sida ke bedaja ngambika enda muai uras sengapa alai.

“Kelimpah ari ukum, sida mega tau ditagang bejual jemah ila,”ku iya.

Iya mantaika jaku nya maya bejadika ‘Kempen Katakan Tidak Kepada Polystrain’ di Selangau, kemari.

Oliver madah, pemeresi ba palan diri empu bejual ulih nyeliahka kena rampit igi penyakit ke nemu berampit.

Berebak enggau tu, iya mega bisi madah pengawa ngemanah palan bejual Makit Selangau deka tembu ujung taun tu.

“Nama ke peda aku tadi (kemari), pengawa nya digaga nitihka pelin,” ku iya nerang.

Oliver mega madah, SRDC berunding deka nukar perabung langkau ke udah lama ba makit nya.

Taja pia, pengawa nya dipelabaka deka digaga taun baru.

Advertisement